پرس میدیا
چاڵاكڤانه‌كێ خۆپێشاندانێن به‌غدا ب پرس میدییا ڕاگه‌هاند، سۆباهى ل به‌غدا خۆپێشاندانا ملیۆنى دێ هێته ئه‌نجامدان .
ئه‌ڤروو ڕۆژا پێنچشه‌مبى، چاڵاكڤانه‌كێ خۆپێشاندانێن به‌غدا كو نه‌ڤیایه ناڤێ وى ئاشكراببیت تایبه‌ت ب پرس میدیا ڕاگه‌هاند، "سوباهى ڕۆژا ئه‌ینى دێ خۆپێشاندانا ملیۆنى ب به‌شداریا خه‌لكێ هه‌موو پارێزگه‌هێن عێراقێ ل گۆڕه‌پانا ته‌حریر ل به‌غدا بڕێڤه‌چیت".
گوت ژى، "ئه‌و ئاڵوزیێن دناڤبه‌را ئه‌مریكا و ئێرانێ ل عێراقێ دروست بووين، هه‌موو سیناریوو بوون، بۆ لاوازكرن و نه‌هێلانا خۆپێشاندانان، به‌لێ ئه‌م دێ به‌رده‌وامبین، و پیلانا وان سه‌ر نه‌گرت".
ئاماژه ب ئه‌وێ چه‌ندێ ژى كر، "ئه‌م به‌رده‌وامین لسه‌ر داخۆازیێن خۆ كو پێدڤیه سه‌رۆك وه‌زیره‌كێ بێ لایه‌ن و خۆدان باوه‌رنامه و پشتى ساڵا 2003ێ چ پۆستێن سیاسى وه‌رنه‌گرت بن بهێته ڕاسپاردن بۆ پێكئینانا حكومه‌تێ".
لدور سه‌رۆك كۆمارێ عێراقێ ژى گوت، "ئه‌م نه‌بتنێ داخازا گهۆڕینا سه‌رۆك وه‌زیران دكه‌ین، به‌لكو داخازا گهوڕینا سه‌رۆك كۆمارى و سه‌رۆك په‌ڕله‌مانى ژى دكه‌ین".
داڕشتن: ئۆمێد حاجى
No comments:
Post a Comment