پرس میدیا
سه‌رۆك كۆمارێ فڕه‌نسا نهێنیه‌كا توركیا ئاشكراكر، و ڕاگه‌هاند، توركیا چه‌كدارێن گڕۆپێن میلیشیاتان ژ سوریا بۆ لیبیا ڤه‌دگۆهێزیت .
ئیمانۆئێل ماكرۆن، سه‌رۆك كومارێ فڕه‌نسا دكۆنگره‌یه‌كێ ڕۆژنامه‌ڤانى دا ڕاگه‌هاند، "فڕه‌نسا چاڤدێریا كه‌شتیێن توركیا دكه‌ت، و تێدا چه‌كدارێن میلیشیاتێن سوریا بۆ لیبیا ڤه‌دگۆهێزیت، بڤێ چه‌ندێ ژى توركیا نه‌یا پابه‌نده ب ڕێككه‌فتنا به‌رلین".
ئاماژه ب ئه‌وێ چه‌ندێ ژى كر، "فڕه‌نسا دووباره ڕێككه‌فتنا دناڤبه‌را توركیا و حكومه‌تا ویفاقیا لیبیا شه‌رمزار دكه‌ت، و هه‌روه‌سا پشته‌ڤانیا سه‌روه‌ریا سنورێن ئاڤیێن دناڤبه‌را یۆنان و قوبرس دا دكه‌ین".
ئه‌ڤه دده‌مه‌كى دایه، سه‌رۆكێن چه‌ندین وه‌ڵاتان به‌شدارى دكۆنگره‌یێ به‌رلین دا كر یێ تایبه‌ت ب ڕه‌وشا لیبیا ڤه، و ڕێككه‌فتن كر لدور قه‌ده‌غه‌كرنا هنارتنا چه‌كى بۆ لیبیا و ده‌ستێوه‌ردانێن ده‌ره‌كى بۆ ناڤ ئه‌وى وه‌ڵاتى، و ڕێزگرتن ل بڕیارا نه‌ته‌وێن ئێكگرتى .
داڕشتن: ئۆمێد حاجى
No comments:
Post a Comment