په‌ڕله‌مانێ عێراقێ نڤیساره‌كێ ئاراسته‌ى وه‌زیرێ دارایى دكه‌ت، و داخاز ژێ دكه‌ت هه‌موو شایسته‌یێن دارایێن هه‌رێما كوردستانێ بهێنه بڕین، ئه‌گه‌ر نه دێ تووشى هه‌لگرتنا به‌رپرسیاره‌تیێ بیت، په‌ڕله‌مانتاره‌ك ژى ئه‌وێ نڤیسارێ ب نه‌یاسایى وه‌سڤ دكه‌ت .
ئه‌ڤروو ڕۆژا چوارشه‌مبى، په‌ڕله‌مانێ عێراقێ نڤیساره‌كێ ب ئیمزایا محه‌مه‌د سه‌عید سه‌رۆكێ لژنا ده‌ستپاكى ل په‌ڕله‌مانێ عێراقێ، ئاراسته‌ى فوئاد حسێن، وه‌زیرێ دارایى كریه، و تێدا هاتیه، "لدویڤ ماددێ 27 بڕگه‌یا 5 دیاسایا ئیداره‌یا دارایى بۆ ساڵا 2019ێ، كو ئاماژێ ب ئه‌وێ چه‌ندێ دكه‌ت، ئه‌و پارێزگه‌هـ و هه‌رێمێن داهاتێ نه‌فت و غازا خۆ ڕاده‌ستى حكومه‌تا ناڤه‌ند نه‌كه‌ن، پێدڤیه شایسته‌یێن وان یێن دارایى بهێنه بڕین".
لژنه‌یا ده‌ستپاكى دوێ نڤیسارێ دا، هۆشدارى دایه، وه‌زیرێ دارایى ئه‌گه‌ر پابه‌ند نه‌بیت ب ڤێ نڤیسارێ، دێ لێپرسین دگه‌ل هێته كرن".
لدور ئه‌وى بابه‌تى، ئه‌حمه‌د حاجى ڕه‌شید ئه‌ندامێ لژنه‌یا دارایى ل په‌ڕله‌مانێ عێراقێ، ب پرس میدیا ڕاگه‌هاند، "ئه‌و مادده‌یێ لژنه‌یا ده‌سپاكى به‌حس لێ دكه‌ت په‌یوه‌ندى ب به‌شه بۆدجه‌یا هه‌رێمێ ڤه نینه، و ئه‌و نڤیساره نه‌یاساییه و ئارمانج ژێ سیاسه‌ته".
و داخاز ژى ژ ئه‌ندامێن لژنه‌یا ده‌سپاكى دكه‌ت، لدور ئه‌وى َنڤیسارێ بهێنه ده‌نگ .
داڕشتن: ئۆمێد حاجى
No comments:
Post a Comment