جارەکا دی عادل عەبدولمەهدی دێ پۆستێ سەرۆک وەزیریێ وەرگریت؟ - پرس بادینی

إعلان فوق المشاركات

جارەکا دی عادل عەبدولمەهدی دێ پۆستێ سەرۆک وەزیریێ وەرگریت؟

جارەکا دی عادل عەبدولمەهدی دێ پۆستێ سەرۆک وەزیریێ وەرگریت؟

گوتار ـ هشیار محمد سلیم

خونیشاندانێن بەرفرهـ ل عێراقێ هاتینە کرن و هەیاما چەند رۆژان داخوازا لابرنا هەرسێ سەرۆکاتیێن عێراقێ کری، پشتى رەوشا عێراقێ بەرەڤ خرابیێ چووی سەرۆک وەزیرێ عێراقێ بریارا چەند چاکسازیان دا لێ پێدڤی دەمەکێ درێژبوون، هەروەسا خونیشاندەر چاڤەرێی کارێن پێشچاڤ بوون و لسەر خونیشاندانێن خۆ د بەردەوام بوون، داوی جار عادل عەبدولمەهدی نامەیا دەست ژ کارکێشانا خۆ پێشکێشی پەرلەمانى کر، و لسەر سەرۆک کومارێ عێراقێ د دەمێ یاسایی دا بەربژێرەکێ بۆ پۆستێ سەرۆک وەزیریێ بدانیت، لی دەمی یاسایی نێزیکبوو ژ داویبوونێ و سەرۆک کوماری بەربژێرێ مەزنترین کوتلەیا پەرلەمانى رەتکر و دیارکر، کو ناراسپێرم و ئامادەمە نامەیا دەست ژکارکێشانێ پێشکیش بکەم، د دەمەکی دا کو خونیشاندەرا داخوازا بەربژێرەکێ بێ لایەن دکر، سەرۆک کومارێ عێراقێ ژى بزاڤ کرن خۆ بکەتە دەنگێ خونیشاندەران، داکو ژ خونیشاندەر بۆ وى ببنە پشتەڤان.

لێ پشتى ڤی دەمی و ئالوزبوونا پەیوەندیێن ئەمریکا و ئیرانێ و هێرشێن وان د ناڤ ئاخا عێراقێ دا مژار ژ هەر تشتى مەزنتر لێ هات، جارەکا دی سەرۆک وەزیرێ دەست ژکارکێشای بکارێ خۆ راببیت، ژبەر کو سەرۆک کومار و پەرلەمانى شیانێن دیارکرنا بەربژێرەکێ نەبوونە، جارەکا دی عادل عەبدول مەهدی کار لسەر کاودانان کر، دهیتەدیتن کو هەمى بزاڤێن عەبدول مەهدی بۆ ڤەگریانی نە جارەکا دی بۆ سەرۆک وەزیریێ، لدیف خالێن دەستورى سەرۆک وەزیری دەست ژکارکیشای دکاریت جارەکا دی بۆ پۆستێ خۆ ڤەگەریت و چ هەڤدژیەک دگەل دەستوری نینە و هەیا جارەکا دی ب ڤەگەریتە لسەر کارێ خۆ پێدڤیە ئەو دەنگدانا لسەر نامەیا دەست ژکارکێشانا وى بهێتە ژناڤبرن و ب ڤی ئاوای ب هەمان ئاوایێ بەرێ کارێ سەرۆک وەزیریا عێراقێ بکەت، نها کودەنگیەک د ناڤبەرا هەمى ئالیان دا درۆستبوویە کو عادل عەبدولمەهدی ڤەگەریت.

د نها دا عادل عەبدولمەهدی هەمى بزاڤان دکەت ب ئاوایەکێ جوودا ژبەرى نها سەرۆک وەزیریا عێراقێ وەربگریت، بۆ ڤی یەکێ ژى پێدڤیە پەیوەندیێن خۆ ب ئاوایەکێ بەفرەهـ بهێز بکەت، یەک ژ کارێن وى یێن گرنگ و دیار ئەو بوویە کو کارا وەک سەرۆک وەزیر د ئالوزیێن ئەمریکا و ئیرانێ دا داخویانی ددان و پەیوەندیا تەلەفوونى دگەل پۆمپیۆی وەزیرێ دەرڤەیێ ئەمریکایێ و هەروەسا سەرەدانا هەرێما کوردستانێ کر و هەڤدیتنا وی یا تایبەت دگەل مەسعود بارزانی دا تەکەزیێ لسەر ڤەگەرینا وى بۆ پۆستێ سەرۆک وەزیریا عێراقێ دکەن.

دڤێرێ دا چەندین و رەوشێن نووی یێن عێراقێ درۆستبوونە و عادل عەبدولمەهدی چارەسەریا ئاسایی بوونا وی رەوشێ یە، ڤان ئالوزیان عەبدولمەهدی نەچارکریە کو جارەکا دی بۆ دەستهەلاتا خۆ ڤەگەریت، ژبەر کو ئالوزیێن پەیوەندیێن ئەمریکا و ئیرانێ د عیراقێ دا پێدڤیا عێراقێ ب سەرۆک وەزیرەکێ هەیە داکو هەڤسەنگیێ د سیاسەتا هەردوو ئالیان دا بکەت و ئالوزی درۆست نەبن، هەروەسا داخوازیێن خونیشاندەران کو لادانا هەرسێ سەرۆکاتیان بوویە لی داخوازیێن وان نەهاتنە بجهئینان، هەروەسا عێراق د دەمێن ئاسایی دا نکاریت بەربژێرەکێ بێ ئالی بۆ سەرۆک وەزیریێ دابنیت ژبەر وێ یەکێ ڤەگەریانا وى ژ کارێن هەری فەر و پێدڤیە ئەگەر نە ئەڤ رەوشە دێ زێدەتر بەرەڤ خرابی و ئالوزیێ چیت، د جڤینێن داهاتیێن پەرلەمانى دا بۆ دیارکرنا ناڤێن بەربژێران دا دێ جارەکا دی عەبدولمەهدی هێتە هەلبژارتن، و چ ریگرەکێ دەستوری نابیت.

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©