پرس میدیا
ژێده‌ره‌كى دناڤ خۆپێشاندانێن به‌غدا ب پرس میدیا ڕاگه‌هاند، ڕه‌وشا خۆپێشاندانان به‌ره‌ڤ نه‌باشیێ چوویه، پشتى كو ده‌ستهه‌ڵاتێ هێزه‌كا زۆر به‌رامبه‌ر خۆپێشاندانان بكارئیناى .
ئه‌ڤروو ڕۆژا دووشه‌مبى، ژێده‌ره‌كێ دناڤ خۆپێشاندانێن به‌غدا دا كو نه‌ڤیایه ناڤێ وى ئاشكرا ببیت، تایبه‌ت ب پرس میدیا ڕاگه‌هاند، "دوهى ڕۆژا ئێكشه‌مبى، ده‌ستهه‌ڵاتێ هێزه‌كا زۆر به‌رامبه‌ر خۆپێشاندانان بكارئینا، و ب سه‌دان گه‌نج ده‌سته‌سه‌ركرن، و ژلایێ كه‌س و ژمارێن نه‌ناسیار ڤه گه‌ڤ ل خۆپێشانده‌ران دهێنه كرن، بڤێ چه‌ندێ ژى ڕه‌وشا خۆپێشاندانان نه‌باش بوویه، و به‌ره‌ڤ لاوازیێ چووینه".
هه‌مان ژێده‌ر گوت ژى، "دوهى كێمترین خۆپێشانده‌ر ل گۆڕه‌پانا ته‌حریر ل به‌غدا ئاماده‌بوون، پشتى ئه‌و ژمارا زۆرا خۆپێشانده‌ران هاتینه گازیكرن و گه‌ڤ كرن و ده‌سته‌سه‌ركرن".
بۆ ماوێ زێده‌تر ژ 3 مه‌هانه خۆپێشاندان ل پارێزگه‌هێن ناڤه‌ڕاست و باشورێ عێراقێ بڕێڤه‌دچن، و داخازا گهوڕینا ده‌ستهه‌ڵاتدارێن نها دكه‌ن، و سه‌رۆك وه‌زیره‌كێ سه‌ربه‌خۆ و پشتى ساڵا 2003ێ چ پۆستێن سیاسى وه‌رنه‌گرت بن، دئه‌نجامدا زێده‌تر ژ 500 خۆپێشانده‌ران هاتینه كوشتن كو چه‌ندین ڕۆژنامه‌ڤان و چاڵاكڤان دگه‌لدانه، و زێده‌تر ژ 22 هزار خۆپێشانده‌ران برینداربووینه .
داڕشتن: ئۆمێد حاجى
No comments:
Post a Comment