پرس میدیا
سەرۆکێ ویلایەتێن ئێکگرتیێن ئەمریکا نەخشە ڕێگایێ ئاشتیێ یێ ڕۆژهەلاتا ناڤەڕاست ناڤدار ب ڕێککەفینا چەرخی، دناڤبەرا ئیسڕائیل ــ فەڵەستین ڕاگەهاند، و داخاز کر فەڵەستین ئەڤی پڕۆژەی قەبوول بکەت .
دۆناڵد تڕامپ سەرۆکێ ویلایەتێن ئێکگرتیێن ئەمریکا، دکۆنگرەیەکێ ڕۆژنامەڤانی دا، ڕێککەفتنا چەرخی ڕاگەهاند، و ئاماژە ب ئەوێ چەندێ کر، "قودس دێ بیتە پایتەختێ ئیسڕائیل، و ئەگەر فەڵەستین ئەڤی پڕۆژەی قەبوویل بکەت دێ بەشێ ڕۆژهەلاتا قودس بیتە پایتەختێ فەڵەستین".
گوت ژی، "پێدڤیە ئێدی وەڵاتێن ئیسلامی دانپێدانێ ب دەولەتا ئیسڕائیلێ بکەن" .
دوپاتکر ژی، "پێدڤیە فەڵەستین ئەڤی پڕۆژەی قەبوویل بکەت، چونکە دبەڕژەوەندا وێ دایە".
لدور بەشێ ئابووریێ ئەڤی پڕۆژەی تڕامپی گوت، "دێ ئەڤ ڕێککەفتنە بیتە ئەگەرێ ڕەخساندنا چەندەها دەلیڤەیێن کاری بۆ فەڵەستینیا" .
بنیامێن ناتەیناهو سەرۆك وەزیرێ کاربڕێکەرێ ئیسرائیل، دئەوی کۆنگرێ ڕۆژنامەڤانی دا ڕاگەهاند، "سۆپاسیا تڕامپی دکەم، و ئێکەم کەسە دمێژوویا ئەمریکا دا بڤی شێوەی پشتەڤانێ ئیسڕائیل بیت" و ب باشترین هەڤاڵێ ئیسڕائیلێ داناسین .
دهەمان کۆنگرێ ڕۆژنامەڤانی دا، بنیامێن ناتەیناهو و تڕامپی، سۆپاسیا هەر ئێك ژ وەڵاتێن ( عومان، ئیماڕات و بەحرێن ) کر، لسەر دەستپێشخەریێن وان بۆ ڤی پڕۆژەی .
داڕشتن: ئۆمێد حاجی
No comments:
Post a Comment