پرس میدیا
په‌ڕله‌مانتاره‌كێ پارتى داخاز دكه‌ت، ئه‌گه‌ر خزمه‌تا په‌ڕله‌مانتاران نه‌گه‌هیته خانه‌شینیێ بلا خزمه‌تا وى یا كادریا حزبى ژى بهێته هه‌ژمارتن، ژ بۆ كو بهێته خانه‌نشین كرن .
محسن ئه‌رتیسى په‌ڕله‌مانتارێ كوردستانێ لسه‌ر لیستا پارتى، ئه‌ڤروو دكۆمبوونا په‌ڕله‌مانێ كوردستانێ دا گوت، "خزمه‌تا وه‌زیفى یا هنده‌ك په‌ڕله‌مانتاران ناگه‌هیته 15 ساڵان، له‌وان ژى پێدڤه كادریا وان دناڤ حزبێن واندا بهێته هه‌ژمارتن".
گوت ژى، "ئه‌وان كادرێن حزبى وه‌ك پێشمه‌رگه‌ى خزمه‌ت كریه".
ئه‌ڤه دده‌مه‌كى دایه بۆ ماوێ دوو ڕۆژانه كۆمبوونا په‌ڕله‌مانێ كوردستانێ لدور پڕۆژه یاسایا چاكسازیان به‌رده‌وامه، و به‌شه‌ك ژ په‌ڕله‌مانتاران داخاز دكه‌ن ئه‌و خانه‌شنیا پله‌یێن بلند بهێته كێم كرن یان نه‌مینیت، هه‌ر بڤێ چه‌ندێ ژى دناڤ كۆمبوونا په‌ڕله‌مانى دا ئاڵۆزى دروست بوون و بۆ ده‌مه‌كى كۆمبوون هاته ڕاگرتن .
داڕشتن: ئۆمێد حاجى
No comments:
Post a Comment