پرس میدیا
به‌رپرسێ ده‌زگه‌هێ هه‌لبژاردنێن پارتى ئاشكرا دكه‌ت، كو حزبا وى دگه‌ل هه‌لبژاردنێن پێشوه‌خته دا نینه ل عێراقێ .
خه‌سرۆ گۆڕان، به‌رپرسێ ده‌زگه‌هێ هه‌لبژاردنێن پارتى دیموكراتى كوردستان، ب ماڵپه‌رێ حزبا خۆ ڕاگه‌هاندییه، "ده‌مه‌كه داخازا هه‌لبژاردنێن پێشوه‌خته دهێته كرن ل عێراقێ، كو ژبلى مه‌رجعێ شیعه‌یان، ئه‌مریكیان و نه‌ته‌وێن ئێكگرتى ژى داخازا ئه‌نجامدانا هه‌لبژاردنێن پێشوه‌خته دكر بۆ ڕه‌وشا عێراقێ، هه‌ر چه‌نده تا نها چه‌ندین جاره بابه‌تێ هه‌لبژاردنێن پێشوه‌خت دهێته دمه‌یدانێ دا، به‌لێ تا نها چ بڕیاره‌ك نینه، بۆ ئه‌نجامدانا هه‌لبژاردنێن پێشوه‌خت".
لدور هه‌لویستێ پارتى ژى لدور بڕێڤه‌چوونا هه‌لبژارتنێن پێشوه‌خت، خه‌سرۆ گۆڕان گوت، "ئه‌م به‌شدارین ل په‌ڕله‌مانێ عێراقێ، و ئه‌گه‌ر بڕیارا هه‌لبژاردنێن پێشوه‌خت بهێته دان، دێ هه‌موو لایه‌ن پێ پابه‌ندبن، به‌لێ ئه‌م وه‌كو پارتى دگه‌ل ئه‌نجامدانا هه‌لبژاردنێن پێشوه‌خته دا نینین، به‌لێ ئه‌گه‌ر بڕیار بهێته دان، دێ پابه‌ند بین پێ".
ئه‌ڤه دده‌مه‌كى دایه، ئه‌ڤروو دوماهى موله‌ته بۆ سه‌رۆك كۆمارى كو كه‌سه‌كى ڕاسپێریت وه‌ك بۆ سه‌رۆك وه‌زیریا عێراقێ .
داڕشتن: ئۆمێد حاجى
No comments:
Post a Comment