پرس میدیا ـ عه‌دنان محه‌مه‌دتاهڕ زێباری
نەخوشیا کۆرۆنایێ نەخۆشیەک مەتڕسیە و ل وەڵاتێ چینێ سەرهەلدایە، ئەگەر لێگەڕیان بۆ چارەسەریا ئه‌ڤێ نەخۆشیێ نەهێته دیتن دێ مەتڕسیەکا مەزن دروست بیت، لێ حکومەتەک خۆدان ئەخلاق و خۆدان ویژدان ودلسۆز و دووره گەندەڵی دشێت چارە بکەت.
هەرێما کوردستانێ هەر ژ بچیکاتیا خو تووشی ڤێ نەخوشیا کۆرۆنا بوویه، ئەڤ نەخۆشیە نەخوشیەکا دەستکردە هاتیە خۆلقاندن کە دگەل تەمەنێ حکومەت مەزن دبیت، هێدی هێدی خەلک سەرخۆ دهێن ژەهر کرن و ساخلەمیا خوە ژ دەست ددەن، چ حکومەتەک دەمێ بوری درستاهی دەرمانێ ڤێ نەخۆشیێ نەگەریانە هەرچەندە ئەو ب خۆ دانپێدانێ ب هەبوونا ئه‌ڤێ نەخۆشیێ دکەن و دەرمان بەردەستە بۆ ئه‌ڤێ نەخۆشیێ، یا جهێ مەندەهوشی ئەوە وەڵاتێ چینێ دەرمان نینە بو ڤایروسا کۆرۆنا لێ لێگەڕیانێ دکەت بوو دیتنا دەرمانی دا ڤێ نەخوشیێ چارە بکەت! بەلێ هەرێما کوردستانێ بەرۆڤاژی دەرمان بەردەستە بۆ نەهێلانا ئه‌ڤێ نەخوشیێ لێ چارە ناکەت! ، کەسانەک وی ڕەنگی تێدگەهن نەخوش کەفتنا مللەتی زیانە بو روحا وان بەس دڕاستی دا ئەڤ هزرە خەیالە .
باشە ئەم پرسیار ناکەین شەش ساڵێن دەڕبازبووی سەدەهان هزار کەسان ژ بەر چ ئەگەر کوچ کریە بو دەرڤەی وەڵاتی؟
باشە ئەڤە نەخۆشیا کۆرۆنایێ نینە ل هەرێما کوردستانێ به‌حرا په‌تڕولێ بیت و ئەڤ په‌تڕولە تێرا وەڵاتێن بیانی بکەت لێ هاوڵاتیێن مە ساڵانە بەڕمبیلەکا نەفتێ وەرنەگرن؟
هەر نەخۆشیا کۆرۆنایێ وەکریە کە هەتا نها کێشا کارەبێ نەهێت چارەکرن؟
باشە نەخۆشیا کۆرۆنایێ نینە حکومەتەک نەشێت موچەیێن موچەخۆرا ددەمێ خۆ دا بدەت سەرەڕای داهاتەکێ زەبەلاح؟
باشە نەخۆشیا کۆرۆنایێ نینە تە هێزەکا نشتیمانی نەبیت چ گەرەنتیەک نیە هەر باژێرەکێ دی هەرێم دەردێ کەرکوک و شنگال نەچیت.
باشە نەخۆشیا کۆرۆنایێ نینە ساڵانە رێژا لێک جودابون (تەلاق) زێدەتر بیت ژ رێژا هاوسەرگیری(زەواج)؟
باشە ئەڤ هەمی قەیران سەر قەیرانێ نەخۆشیا کَورۆنایێ نینە؟
ئەڤ پرسیارە و چەندین پرسیارێن دی دیار دبیت نەخۆشیا کۆرۆنایێ ناڤا وەڵاتی بەڵاڤ بویە، هەتا نها ئیرادەکا بهێز نەبیە کە چارەسەریا ڤێ نەخوشیێ بهێته کرن، ژبەر هندێ وەڵات دمەترسیەکا مەزن دایە.
وەڵاتێ چینێ دشێت نەخۆشیا کۆرۆنا چارە بکەت چۆنکی دەستهەڵاتەک هەیە خەمخورێ نەخۆشیانە، دەستهەڵاتەک هەیە خزمەتەکا ژهەژی بۆ هاوڵاتیان ئەنجام ددەت، دەستهەڵاتەکا خۆدان ویژدن هەیە دیرە ژ بازرگانیكرنێ ب خەلکێ خوە، دەستهەڵاتەک هەیه هاوڵاتی هەست ب کەرامەت و هەبوونا خۆ دکەت ، هەر ژ بەر ئه‌ڤێ چه‌ندێ هاوڵاتیێن وێ دلسۆزن بۆ حکومەت و وەڵاتێ خۆ، باوەریەکا تمام ناڤبەرا حکومەت و هاوڵاتی هەیە.
بەلێ کێ دشێت نەخوشیا کۆرۆنایێ ئەوا کەفتیه دناڤا دەستهەڵاتێ دناڤا دامەزراوەیێن حکومەتێ چارە بکەت؟ کێ دشێت نەخۆشیا کۆرۆنایێ چارە بکەت ئەوا کەفتی دناڤا عەقل و دل و دەرونێ مروڤێن لەش ساخ ؟
هەرچەندە هیڤیەک هەبوو حکومەتا نها یا نۆی کە بشێت گۆڕانکاریا بکەت، لبن درۆشمێ کوردستانەکا بهێز حکومەتەکا بهێز دڤێت، لێ دڕاستی دا هەتا نها ئەوا خەلکى چاڤەڕێ دکر ئەو نەهاتیه کرن، قەیرانێن دۆیڤ قەیرانێ بەردەوامیێ ددەنه کاروانێ خۆ، حکومەت یا بوویه ئێخسیر ددەستێ حزب دا و حزبیش ئێخسیرە ددەستێ چەند کەسان دا، خەلک هەر هەوار دکەت بۆ مافێن خۆ یێن سەرەتایی لێ حکومەت بێ خەمە.
ئەگەر هەر ب ئه‌ڤی ڕەنگی بیت دوویر نینە هەوایەک بهێت کە پڕ بیت ژ ڤایرۆسا کۆرۆنایێ و دەستهەڵاتدارێن دەمامکدار ئەوێن دناڤ هزاران پاسەوانان دا بساناهی لێ ڕزگار نەبن.
No comments:
Post a Comment