پرس میدیا
ل هه‌ولێرێ زه‌ڵامه‌ك هاته ده‌سته‌سه‌ركرن، كو بناڤێ ئه‌كاونتێن كچان، ڤیدیویێن زه‌ڵامان تۆماركرینه و ل به‌رامبه‌ر به‌ڵاڤنه‌كرنا وان داخازا پاره‌یان ژێ كریه .
ڕێڤه‌به‌ریا به‌رهنگاربوونا توندوتیژیا دژى ئافره‌تان و خێزانان یا هه‌ولێرێ ڕاگه‌هاند، "كه‌سه‌ك ب ناڤێ ( ف . ك . ا ) ب ڕێكا ئه‌كاونته‌كێ بناڤێ كچان هاتیه سه‌ردابرن، و ڤیدیۆیا وى هاتیه تۆماركرن، و گه‌ڤ لێدهێنه كرن و داخازا پاره‌یان ژێ دهێته كرن".
ئاماژه ب ئه‌وێ چه‌ندێ ژى كر، "پشتى ئاگه‌هداكرنا دادوه‌رێ لێكوڵینێ، مه‌فره‌زه‌یه‌ك هاتیه پێكئینان، وشیان تۆمه‌تبارى ده‌سته‌سه‌ر بكه‌ن، كو ژماره‌یه‌كا سیمكارتێن نه یاسایى ڤێبوون، و چه‌ندین ڤیدیۆیێن ڕۆتێن زه‌ڵامان دمۆبایلا وى دابوون".
گوت ژى، "ناڤێ تۆمه‌تبارى ( گ . ح . ت )، موالید 1983، ئاكنجیێ هه‌ولێرێ یه، و دانپێدان ب تاوانا خۆكریه، كو ئه‌كاونته‌ك بناڤێ كچان دانایه، دتۆڕێن كۆمه‌ڵایه‌تى دا، خۆ ب كچ ناساندیه، و زه‌ڵام سه‌ردابرینه، و پاشان ڤیدیۆیێن ئه‌وان تۆماركرینه ب ڕێكا ڤه‌كرنا كامیرێ، و داخازا پاره‌یان لێكریه".
داڕشتن: ئۆمێد حاجى
No comments:
Post a Comment