پرس میدیا
ئه‌ندامه‌كێ ئه‌نجومه‌نێ سیاسیێ هه‌ڤپه‌یمانیا نیشتیمانى ده‌ست ژكاركێشا، و ڕاگه‌هاند، دبیت هنده‌ك كه‌س هه‌بن شه‌ڕى بۆ پله و پۆستان بكه‌ن، به‌لێ ئه‌ز دێ ده‌ستان ژێ به‌رده‌م .
خه‌تاب عومه‌ر ئه‌ندامێ ئه‌نجومه‌نێ سیاسیێ هه‌ڤپه‌یمانیا نیشتیمانى دهه‌ژمارا خۆ یا فه‌یسبۆكى دا نڤیساره‌ك به‌ڵاڤكریه، و تێدا ده‌ست ژكاركێشانا خۆ ژ هه‌ڤپه‌یمانیا نيشتيمانى ڕاگه‌هاندییه، و ئاماژه ب ئه‌وێ چه‌ندێ كریه، كو ئێك ژ دامه‌زرێنه‌رێن هه‌ڤپه‌یمانیا نیشتیمانى بوو، تێدا هاتیه ژى، "دنهادا ده‌ست ژكاردكێشم و دێ مژویلى كارێ خۆ یێ ئه‌كادیمى بم" .
ناڤبرى دنڤیسارا خۆ دا ئاماژه ب ئه‌وێ چه‌ندێ كریه، "دده‌مه‌كى دا هنده‌ك كه‌س شه‌ڕى لسه‌ر پله و پۆستان دكه‌ن، ئه‌ز ده‌ستا ژێ به‌ردده‌م".
ئاشكرا ژى كریه، "ئه‌زێ خۆشحالم كو ب هه‌بوونا مه هه‌ڤپه‌یمانى به‌رده‌وام بوو، و بتایبه‌ت ل بادینان، هیڤیا من ژى سه‌ركه‌ڤتنا هه‌وه‌یه".
دهه‌مان ده‌مدا ژێده‌ره‌كێ بلند دناڤ هه‌ڤپه‌یمانیا نیشتیمانى دا، ئه‌و نووچه‌یه بۆ پرس میدیا پشت ڕاستكر، و ڕاگه‌هاند ژى، "ئه‌م ڕێزێ ل بڕیارا وى دگرین".
داڕشتن: ئۆمێد حاجى
No comments:
Post a Comment