پرس میدیا
ئه‌ندامه‌كێ جڤاتا نیشتیمانیا بزاڤا گۆڕان ڕاگه‌هاند، "دگه‌ل پارتى دیموكراتى كوردستان لدور پۆستان دێ كومبین".
سه‌یوان فه‌ره‌ج ئه‌ندامێ جڤاتا نیشتیمانیا بزاڤا گۆڕان ب ماڵپه‌رێ فه‌رمیێ پارتى ڕاگه‌هاندییه، "د كۆمبوونا جڤاتا نیشتیمانى و گشتى دا، به‌حس ل پڕكرنا پۆستێن مه دحكومه‌تێ دا هاتیه كرن، و دنهادا ژى دگه‌ل پارتى لسه‌ر خه‌تى نه بۆ دانانا ده‌مه‌كى بۆ كۆمبوونێ".
ئاماژه ب ئه‌وێ چه‌ندێ ژى كر، "ئه‌و پۆستێن حكومه‌تێ ماینه بهێنه پڕكرن، دبیت لڤان نێزیكان حكومه‌ت بۆ پڕكرنا ئه‌وان پۆستان بڕیارێ بده‌ت، و هه‌روه‌سا ناڤێ جێگر وه‌زیرێن مه ده‌رچووینه، كو نها جهێ وان چۆڵه، ل وه‌زاره‌تا په‌روه‌ردێ و ناڤخۆ".
هه‌روه‌سا ژ لایێ خۆ ژى ڤه مه‌حمود محه‌مه‌د په‌یڤدارێ پارتى، دكۆنگره‌یه‌كێ ڕۆژنامه‌ڤانى دا، ڕاگه‌هاند، "بۆ وه‌رگرتنا تێبینى و بۆچوونان، و زانینا ئاریشه‌یان، دى َشانده‌كێ مه سه‌ره‌دانا لایه‌نان كه‌ت".
ئه‌ڤه دده‌مه‌كى دایه، "نێزیكى هه‌ش مه‌هانه كابینه‌یا نه‌هێ یا حكومه‌تا هه‌رێما كوردستانێ هاتیه پێكئینان، به‌لێ تا نها ژماره‌یه‌كا پۆستان وه‌ك بڕیكارێن وه‌زاره‌تان و ڕێڤه‌به‌رێن گشتى، و ڕاوێژكار و یاریده‌ده‌رێ سه‌رۆكێ حكومه‌تێ بو َچاكسازیان كۆ بڕیار بۆ ب بزاڤا گۆڕان بهێنه دان، ڕاده‌ستى ئه‌وێ بزاڤێ نه‌كرینه .
داڕشتن: ئۆمێد حاجى
No comments:
Post a Comment