پرس میدیا
سکێرتێرێ مەکتەبا سیاسیا پارتی پیرۆزباهیێ ل هەڤسەرۆکێن ئێکەتی دکەت، و داخازا جێبەجێکرنا ڕێککەفتنێن سەردەمێ جەلال تاڵەبانی ژ بافڵ تاڵەبانی و لاهور شێخ جەنگی دکەت .
ئەڤروو ڕۆژا سێشەمبی، فازل میرانی سکێرتێرێ مەکتەبا سیاسیا پارتی دیموکراتی کوردستان، د پەراوێزێن ساڵڤەگەرا ڕێکخراوێن قۆتابیان و لاوان کو سەر ب حزبا وانە، ڕاگەهاند، "ئەم پیرۆزباهیێ ل وان دکەین یێن کو ئێکەتی بۆ هەڤسەرۆکایەتیا خۆ دهەلبژێریت".
ئاماژە ب ئەوێ چەندێ ژی کر، "مە پێ باشە کو ئێکەتی پەیڕەوێ خۆ و سەرکردایەتیا خۆ تەمامکری، چونکە ئەم هەڤبەشێن ئێکین" .
میرانی داخاز ژ هەردوو هەڤسەرۆکێن ئێکەتی کر ژی، کو ئەوان ڕێککەفتنا جێبەجێ بکەن کو ل سەردەمێ مام جەلال هاتبوونە ئەنجامدان .
هەروەسا فازل میرانی ڕاگەهاند ژی، شاندەکێ هەرێما کوردستانێ ژ پارتی و ئێکەتی و گۆڕان و کۆمەڵ و نوینەرێن تورکمان، ئاشووری و مەسیحیان، ل بەغدا نە بۆ گفتوگۆکرن لدور پێکئینانا کابینەیا نۆیا حکوموتێ دگەل لایەنێن سوونی و شیعی .
داڕشتن: ئۆمێد حاجی
No comments:
Post a Comment