پرس میدیا
سه‌رۆكێ به‌رێ یێ هه‌رێمێ ڕادگه‌هینیت، ڕیفڕاندۆم بۆ سه‌ربه‌خۆیێ نه‌بوو، و دبێژیت، ئه‌مریكا سۆزا پشته‌ڤانیێ بمه نه‌دابوو .
مه‌سعود بارزانى سه‌رۆكێ به‌رێ یێ هه‌رێما كوردستانێ، و سه‌رۆكێ پارتى دیموكراتى كوردستان، دچاڤپێكه‌ڤتنه‌كا ڕۆژنامه‌ڤانى دا دگه‌ل ڕۆژناما ( ئیندیپێندت عه‌ره‌بى ) لدور ئارمانجا ڕیفڕاندۆمێ دبێژیت، "ڕێفڕاندۆم نه ڕاگه‌هاندنا سه‌ربه‌خۆیێ بوو ب شێوێ ڕاسته‌وخۆ، به‌لكو ئارمانج ژێ ئه‌و بوو كو ده‌لیڤه‌ك ب كوردان بهێته دان ئه‌گه‌ر بۆ جاره‌كێ ژى بیت دمێژوویێ دا بۆچوونا خۆ ده‌رببڕنن، چونكه گه‌له‌كان گۆمان ژ داخازا گه‌لێ كورد و هه‌لویستێ زۆرینه هه‌بوو".
لدور هه‌لویستێ ئه‌مریكا ژى، لدور ڕێفڕاندۆمێ، مه‌سعود بارزانى گوت، "ئه‌مریكیا چ ده‌مه‌كى سۆز بمه نه‌دایه كو پشته‌ڤانیا سه‌ربه‌خۆییا كوردستانێ بكه‌ن، و لده‌مێ مه بابه‌تێ ڕیفڕاندۆمێ دگه‌ل به‌حس كرى، ل ده‌ستپێكێ هیچ نه‌ڕازيبوون نیشان نه‌دا، و گوت دێ هه‌لویسته‌كێ بێلایه‌ن نیشانده‌ین، به‌لێ ده‌مێ ڕیفڕاندۆم هاتیه كرن، ب كردار لایه‌نگریا به‌غدا كر، و هه‌لویستێ وان یێ بێلایه‌ن نه‌بوو، و به‌رۆڤاژى دیتنا مه بوو".
ل 25ێ ئه‌یلولا ساڵا 2017ێ كو وى ده‌مى مه‌سعود بارزانى سه‌رۆكێ هه‌رێمێ بوو، ڕیفڕاندۆم بۆ سه‌ربه‌خۆیێ هاته ئه‌نجامدان، به‌لێ هه‌ر زۆى سه‌رۆكایه‌تیا هه‌رێمێ و حكومه‌تا هه‌رێمێ ڕاگه‌هاند، ڕیفڕاندۆم بۆ سه‌ربه‌خۆیێ نه‌بوو، و نه‌ڤێت ژ عێراقێ جودابن .
داڕشتن: ئۆمێد حاجى
No comments:
Post a Comment