پرس میدیا
ئه‌ڤروو حكومه‌تا هه‌رێمێ كۆمبوو، و گڤتوگۆیێن خۆ لدور جێبه‌جێكرنا یاسایا چاكسازیان ده‌ستپێكرن، دكۆمبوونێ دا هه‌ر ئێك ژ سه‌رۆكێ دیوانا چاڤدێریا دارایى و سه‌رۆكێ ده‌سته‌یا ده‌سپاكیێ و داواكارێ گشتى ژى ئاماده‌ببوون .
ئه‌ڤروو ڕۆژا چوار شه‌مبى حكومه‌تا هه‌رێما كوردستانێ، ب سه‌رپه‌رشتیا مه‌سرور بارزانى سه‌رۆكێ ئه‌نجومه‌نێ وه‌زیران و ب به‌شدارییا هه‌ر ئێك ژ سه‌رۆكێ دیوانا چاڤدێریا دارایى و سه‌رۆكێ ده‌سته‌یا ده‌سپاكیێ و داواكارێ گشتى كۆمبوو .
لدۆیڤ ڕاگه‌هاندنا حكومه‌تێ، مه‌سرور بارزانى ئاماژه ب گرنگیا جێبه‌جێكرنا یاسایا چاكسازیان كریه، و چاكسازى داخازیا هاوڵاتیێن هه‌رێما كوردستانێ و هه‌موو لایه‌نان بوو .
بارزانى داخاز ژ هه‌موو لایه‌نان كریه، بێ موزایده پشته‌ڤانێن جێبه‌جێكرنا ئه‌ڤێ یاسایێ بن .
هه‌روه‌سا دكۆمبوونێ دا وه‌زیرێن حكومه‌تێ هاتنه ڕاسپاردن دماوێ 15 ڕۆژان دا، پێشنیار و تێبینیێن خۆ لدور جێبه‌جێكرنا یاسایا چاكسازیان ئاماده بكه‌ن، و بڕیار هاته دان لژنه‌یه‌ك ب سه‌رپرشتیا سه‌رۆكێ حكومه‌تێ و جێگرێ وى بهێته پێكئینان بو َدۆیڤچوونا جێبه‌جێكرنا یاسایا چاكسازیان .
داڕشتن: ئۆمێد حاجى
No comments:
Post a Comment