پرس میدیا
وه‌زاره‌تا ده‌رڤه‌یا توركیا ڕاگه‌هاند، ل به‌رێ سپێده‌هیا ئه‌ڤروو، ل ئیدلبێ سۆپایێ سوریا هێرشكره سه‌ر خاله‌كا چاڤدێریا سۆپایێ توركیا، و 13 قوربانى سۆپایێ مه هه‌بووینه .
ئه‌ڤروو ڕۆژا دووشه‌مبى، وه‌زاره‌تا ده‌رڤه‌یا توركیا، دبه‌یاننامه‌یه‌كێ دا، ڕاگه‌هاند، به‌رێ سپێده‌هیا ئه‌ڤروو هێزێن سۆپایێ سوریا هشكره سه‌ر خاله‌كا چاڤدێریا سۆپایێ توركیا ل ده‌ورووبه‌رێن پارێزگه‌ها ئیدلبێ، ب وى ئه‌گه‌رى ژى، 4 سه‌ربازێن توركیا هاتینه كوشتن، و 9 ژى برینداربووینه".
ژلایێ خۆ ژى ڤه، ئیبراهیم كاڵن په‌یڤدارێ سه‌رۆكایه‌تیا كۆمارا توركیا ئاماژه ب ئه‌وێ چه‌ندێ كر، "دێ تۆڵا سه‌ربازێن خۆ ڤه‌كه‌ن".
هه‌روه‌سا ڕه‌جه‌ب ته‌یب ئه‌ردۆغان سه‌رۆك كۆمارێ توركیا لدور ئه‌وێ هێرشێ ڕاگه‌هاند، "دێ به‌رسڤا هه‌ر هێرشه‌كێ ده‌ین، كو ل سوریا لسه‌ر هێزێن مه بهێته كرن، و هه‌ر وه‌سا ئه‌م دڕژدین لسه‌ر چاڵاكیێن خۆ یێن سه‌ربازى ل سوریا".
داڕشتن: ئۆمێد حاجى
No comments:
Post a Comment