پرس میدیا
په‌ڕله‌مانتاره‌كێ هه‌ڤپه‌یمانیا فه‌تح ڕادگه‌هینیت، تاكه ئاسته‌نگا لهه‌مبه‌ر پێكئینانا كابینه‌یا نۆى، ئه‌و پۆست و وه‌زاره‌ته‌نه كو پارتێن كوردى داخاز دكه‌ن، تایبه‌ت ژى پارتى بۆ وه‌رگرتنا وه‌زاره‌تا دارایى .
حه‌نین قه‌دۆ په‌ڕله‌مانتارێ هه‌ڤپه‌یمانیا فه‌تح ب ئاژانسا "پۆنا نیۆز" ڕاگه‌هاندیه، "تاكه ئاسته‌نگ، كو تا نها ڕێگر بوویه بۆ پێكئینانا كابینه‌یا نۆیا حكومه‌تێ ئه‌و پۆستێن وه‌زیرى نه كو پارتێن كوردى داخاز دكه‌ن، ب تایبه‌تى پارتى دیموكراتى كوردستان بۆ پۆستێ دارایى".
ئاماژه ب ئه‌وێ چه‌ندێ ژى كر، هنده‌ك كۆتلێن په‌ڕله‌مانى ل دژى هندێ نه، پۆسته‌ك هه‌موو ده‌مه‌كى ب لایه‌نه‌كى بهێته دان، تایبه‌ت ژى وه‌زاره‌تا دارایى .
ئه‌ڤه دده‌مه‌كى دایه، ئێڤارا دوهى ڕۆژا چوارشه‌مبى، محه‌مه‌د تۆفیق عه‌لاوى داخاز ژ په‌ڕله‌مانى كر، ل ڕۆژا دووشه‌مبیا داهاتى كۆمبوونه‌كا نه‌ئاسایى بكه‌ت، بۆ پێشكێشكرنا حكومه‌تا خۆ .
داڕشتن: ئۆمێد حاجى
No comments:
Post a Comment