پرس میدیا
به‌رپرسێ ڕاگه‌هاندنا ساخله‌میا دهۆكێ، دڕۆنكرنه‌كێ دا، ڕه‌ت دكه‌ت هیچ حاله‌ته‌كێ ڤایرۆسێ كۆڕۆنا ل دهۆكێ هاتبیته تۆماركرن .
حه‌مزه ڕه‌زیكى به‌رپرسێ ڕاگه‌هاندنا ڕێڤه‌به‌ریا گشتیا ساخله‌میا پارێزگه‌ها دهۆكێ، دڕۆنكرنه‌كێ دا، كو ل هه‌ژمارا خۆ یا ڤه‌یسبۆكێ دا به‌ڵاڤكریه، ئه‌و ده‌نگو ڕه‌تكرن، كو به‌حس ل تۆماركرنا حاله‌تێن كۆڕۆنا ل هه‌رێما كوردستانێ و دهۆكێ دكر .
هه‌روه‌سا ئاماژه ب ئه‌وێ چه‌ندێ ژى كریه، "پێدڤیه نووچه‌یێن نه ڕاست ل دوور ئه‌ڤێ نه‌خۆشیێ نه‌هێنه به‌ڵاڤكرن، به‌لكو پێدڤیه ڕێنمایێن خۆ پاراستن ژ ئه‌ڤى ڤایرۆسى بهێنه به‌ڵاڤكرن".
ئه‌ڤه دده‌مه‌كى دایه، حاله‌تێن تۆشبوون ب ڤایرۆسێ كۆڕۆنا ل ڕۆژهه‌لاتا ناڤه‌ڕاست به‌ره‌ڤ زێده‌بوونێ یه، و چه‌ندین نووچه هاتبوونه به‌ڵاڤكرن لدور تۆماركرنا ڤایرۆسێ كۆڕۆنا ل كوردستانێ، لێ تا نها لدۆیڤ وه‌زاره‌تا ته‌ندروستى هیچ حاله‌ته‌كێ تۆشبوون ب ئه‌وێ نه‌خۆشیێ ل هه‌رێمێ نه‌هاتیه تۆماركرن .
داڕشتن: ئۆمێد حاجى
No comments:
Post a Comment