پرس میدیا
ڕێڤه‌به‌ریا پۆلیسێن به‌ڵگه‌یێن تاوانێن هه‌رێمێ ڕاگه‌هاند، مه گۆمان هه‌یه كو ئامانج بابانى و خێزانا وى هاتبنه كوشتن، نه‌ك كاره‌كێ خۆكوژى بیت .
ئه‌ڤروو ڕۆژا پێنچشه‌مبى، جه‌بار ئه‌حمه‌د ڕێڤه‌به‌رێ به‌ڵگه‌یێن تاوانێن هه‌رێمێ، لسه‌ر كه‌یسا گیان ژ ده‌ستدانا ئامانج بابانى و لانه محه‌مه‌د و زارۆكێ وان، ڕاگه‌هاند، "چوار پاشماوه‌یێن فیشه‌كان ل جهێ ڕوویدانێ هاتبوونه دیتن، كو ب چه‌كه‌كێ دى هاتینه ته‌قاندن، و ئه‌و چه‌كه لوێره نه‌بوو و دیار نینه".
ئاماژه ب ئه‌وێ چه‌ندێ ژى كر، "بتنێ حه‌فت فیشه‌ك ب وى چه‌كى هاتینه تەقاندن ئه‌وێ لجهێ ڕوویدانێ كو دبێژن یێ ئامانج بابانیه".
گوت ژى، "نه‌دبوو دادگه‌هـ وه‌سا بله‌ز بڕیارێ لسه‌ر وى كه‌یسى بده‌ت، و بدائێخیت".
هه‌روه‌سا داخاز ژ هێزێن پۆلیسان و ئاسایشێ ژى كر، كو زانیاریان لسه‌ر ئه‌وان پاشماوه‌یێن فیشه‌كێن چه‌كێ نه‌دیار بۆ مه بنێرن .
ڕونكر ژى، "پێدڤیبوو، داواكارێ گشتى زۆر ب هویرى و جددى كار لسه‌ر ئه‌ڤى كه‌یسى كربایه، چونكه كه‌یسه‌كێ هه‌ستیار و بابه‌تێ كوشتنا دوو ڕۆژنامه‌ڤانانه".
ئه‌ڤه دده‌مه‌كى دایه ل ڕێككه‌فتى، 2019/10/16، ل نێزیك گه‌ڕاجێ شاره‌زۆر ل سلێمانیێ دڕوویدانه‌كا نه‌ڕووندا ئامانج بابانى و لانه محه‌مه‌د و زارۆكێ وان ژیانا خۆ ژده‌ست دا، و ئێكسه‌ر پۆلیسان ڕاگه‌هاند، ڕوویدان خۆكوژیه، و ل مه‌ها ئێكا ئه‌ڤ ساڵه ژى، دادگه‌هێ بڕیاردا ئه‌و كه‌یسه بهێته دائێخستن، چونكه ڕوویدان خۆكوژى بوویه .
داڕشتن: ئۆمێد حاجى
No comments:
Post a Comment