پرس میدیا
ئه‌ڤروو ئاكنجیێن شنگالێ، دژى بڕیارا سێداره‌دانا گه‌نجه‌كى ل مۆسل خۆپێشاندان ئه‌نجامدان، و داخازا هه‌ڵوه‌شاندنا ئه‌وێ بڕیارێ كر .
خالد شه‌مۆ گه‌نجه‌كێ ئێزدیه، ئاكنجیێ قه‌زا شنگاله، ل مه‌ها ده‌ها ساڵا 2017ێ ب تۆمه‌تا كۆشتنا كه‌سه‌كى كو خه‌لكێ زۆمماره، هاتیه ده‌سته‌سه‌ركرن، و ل چوارێ ئه‌ڤێ مه‌هێ ل دادگه‌ها مۆسلێ بڕیارا سێداره‌دانا وى ده‌رچوو .
دهه‌مان ده‌مدا ئه‌ڤروو ڕۆژا ئێكشه‌مبى، ب سه‌دان كه‌س ل هه‌مبه‌ر ئاڤاهیێ دادوه‌ریا شنگالێ خۆپێشاندان ئه‌نجامدان، و داخازا هه‌ڵوه‌شاندنا بڕیارا سێداره‌دانێ كر .
هادى مه‌حلۆ ئه‌ندامێ ئه‌نجومه‌نێ خۆ ڕێڤه‌به‌ریا شنگالێ ب پرس میدیا ڕاگه‌هاند، "دڤى ده‌میدا، ب هزاران داعش هه‌نه، و دده‌ستێ هێزێن عێراقێ دانه، و تاوانبارن ب كوشتنها خه‌لكێ ئێزدى، ئه‌رێ بۆچى ئه‌و ناهێنه سێداره‌دان، ئه‌م وه‌كو خه‌لكێ ئێزدى داخازا هه‌ڵوه‌شاندنا ئه‌ڤێ بڕیارێ دكه‌ین .
ئاماژه ب ئه‌وێ چه‌ندى َژى كر، "ئه‌گه‌ر خالد بهێته سێداره‌دان، دێ ئاریشه‌یێن عه‌شائیرى درویتبن، و خالد بتنێ نینه، به‌لكو ئه‌م هه‌مى باب و برایێن خالدینه".
داڕشتن: ئۆمێد حاجى
No comments:
Post a Comment