پرس میدیا
بۆ ڕێگریكرن ل ڤایرۆسێ كۆڕۆنا، نارگیله كێشان ل هه‌موو كافیێن پارێزگه‌هێن هه‌ولێر، سلێمانى، هه‌ڵه‌بجه و ئیداره‌یا گه‌رمیان هاته قه‌ده‌غه‌كرن، به‌لێ تا نها ل دهۆكێ هیچ بڕیاره‌ك نه‌هاتیه ده‌ركرن لدور ئه‌وى بابه‌تى .
ئه‌ڤروو ڕۆژا چوارشه‌مبى، ئیداره‌یێن پارێزگه‌هێن هه‌ولێر و سلێمانیێ بۆ ڕێگریكرن ل ڤایرۆسێ كۆڕۆنا بڕیاردا، كێشانا نارگیله‌یێ ل هه‌موو كافیان و كێشانا جگاره‌یان ل جهێن گشتى بهێته ڕاگرتن ، بۆ ڕێگریكرن ل ڤایرۆسێ كۆڕۆنا .
هه‌ر جهه‌كێ پابه‌ند ب ئه‌ڤێ بڕیارێ ژى نه‌بیت، دێ ژلایێ ئیداره‌یێن پارێزگه‌هێن هه‌ولێر و سلێمانیێ ڤه هێته سزادان .
به‌لێ تا نها ل دهۆكێ هیچ بڕیاره‌ك بۆ خۆ پاراستن ژ ڤایرۆسێ كۆڕۆنا نه‌هاتیه ده‌ركرن، ژبلى بهێنڤه‌دانا سه‌رتاسه‌ریا حكومه‌تێ بۆ ناڤه‌ندێن خۆاندنێ ڕاگه‌هاندى .
داڕشتن: ئۆمێد حاجى
No comments:
Post a Comment