پرس میدیا
قائیمقامێ دهۆكێ دكۆنگره‌یه‌كێ ڕۆژنامه‌ڤانى دا چاره‌كرنا ئاریشه‌یا غازێ ل سنورێ پارێزگه‌ها دهۆكێ ڕاگه‌هاند .
ئه‌ڤروو ڕۆژا چوارشه‌مبى، جه‌هوه‌ر عه‌لى قائیمقامێ دهۆكێ، دكۆنگره‌یه‌كێ ڕۆژنامه‌ڤانى دا چاره‌كرنا قه‌یرانا غازێ ڕاگه‌هاند، و ئاماژه ب ئه‌وێ چه‌ندێ كر، "ئه‌ڤروو 14 تانكه‌رێن 1500 بتڵى یێن غازێ گه‌هشتینه دهۆكێ، و ل سه‌رانسه‌رى پارێزگه‌ها دهۆكێ هاتینه پارڤه‌كرن، كو 6 تانكه‌ر بۆ سه‌نته‌رێ دهۆكێ و سێمێلێ، و 3 بۆ زاخۆ، و 2 بۆ ئاكرێ و بۆ هه‌ر قه‌زایه‌كا دى ژى ئێك تانكه‌ر".
ئاشكرا ژى كر، "سۆباهى ڕۆژا پێنچشه‌مبى، دێ 10 تانكه‌رێن دیێن غازێ گه‌هنه دهۆكێ".
قائیمقامێ دهۆكێ، هاوڵاتیێن دهۆكێ پشت ڕاستكرن، كو قه‌یرانا غازێ نه‌مایه، و داخاز ژێ كر، "بلا دبهێن فره‌هـبن، و نه‌هێنه گۆڕه‌پانان، هه‌ر وه‌كو به‌رێ بڕێكا ته‌له‌فۆنێ داخازا غازێ بكه‌ن".
هه‌روه‌سا ڕونكر ژى، "ئه‌گه‌ر هه‌ر كۆمپانیایه‌كا غازێ، ب بهایه‌كێ گران غازێ بفرۆشیت یان به‌ڵاڤ نه‌كه‌ت، بلا هاوڵاتى بگه‌هینه مه، و دێ ژلایێ مه‌ڤه دۆیڤچوون هێته كرن".
داڕشتن: ئۆمێد حاجى
No comments:
Post a Comment