پرس میدیا
په‌ڕله‌مانتاره‌كێ گۆڕان نهێنیا كۆمبوونا دناڤبه‌را محه‌مه‌د حه‌لبۆسى و مه‌سعود بارزانى دا ئاشكرا دكه‌ت، و دبێژیت، "هه‌ردوو لایان دڤێت ڕێككه‌ڤن و وه‌زیرێن حزبى بهێنه دانان دحكومه‌تا عه‌لاوى دا".
غالب محه‌مه‌د ئه‌ندامێ ئه‌نجومه‌نێ نوینه‌رێن عێراقێ لسه‌ر بیستا ته‌ڤگه‌را گۆڕان، دهه‌ژمارا خۆ یا فه‌یسبۆكى دا لدور كۆمبوونا محه‌مه‌د حه‌لبۆسى سه‌رۆكێ په‌ڕله‌مانێ عێراقێ و مه‌سعود بارزانى سه‌رۆكێ پارتى دیموكراتى كوردستان، به‌ڵاڤكریه، "ئه‌و گوتنێن دناڤ ڕاگه‌هاندنا كۆمبوونا هه‌ڤبه‌شا هه‌ردوو لایان هاتیه به‌ڵاڤكرن هیچ ڕاست نینن".
هه‌روه‌ها گوتیه ژى، "ئه‌وا ڕاست و یا ل خه‌لكى ڤه‌دشێرن، ئه‌وه حه‌لبوسى و بارزانى و به‌رپرسێن ئێكه‌تى دڤێت ڕێكبكه‌ڤن دا دوباره وه‌زیرێن حزبى و گه‌نده‌ڵ دحكومه‌تا محه‌مه‌د تۆفیق عه‌لاوى دا دانن".
ئاماژه ب ئه‌وێ چه‌ندێ ژى كریه، "ئه‌گه‌ر عه‌لاوى ڕازى نه‌بیت ب دانانا وه‌زیرێن حزبى، ل وى ده‌مى دێ ب هه‌ڤبه‌شى ڕێگریێ ل كۆمبوونا په‌ڕله‌مانى كه‌ن، ژ بۆ كو وه‌زیرێن سه‌ربه‌خۆ نه‌هێنه دانان، و جاره‌كا دى وه‌زیرێن گه‌نده‌ڵ و ب سپۆنسه‌ریا حزبان حكومه‌ت بهێته پێكئینان".
ئه‌ڤه دده‌مه‌كى دایه، دوهى ڕۆژا ئێكشه‌مبى، محه‌مه‌د حه‌لبوسى سه‌رۆكێ په‌ڕله‌مانێ عێراقێ سه‌ره‌دانا هه‌رێما كوردستانێ كر، و جودا دگه‌ل به‌رپرسێن پارتى و ئێكه‌تى كۆمبوو .
داڕشتن: ئۆمێد حاجى
No comments:
Post a Comment