پرس میدیا
ڕێژه‌یا تووشبوون ب ڤایرۆسێ كۆڕۆنا و گیان ژده‌ستدان ب وى ڤایرۆسى به‌رڤ زێده‌بوونێ یه .
ده‌ستهه‌ڵاتدارێن وه‌ڵاتێ چینێ ڕاگه‌هاندیه، "لدۆیڤ نویترین ئامار تا نها ژ ئه‌گه‌رێ ڤایرۆسێ كۆڕۆنا 414 كه‌سان ژیانا خۆ ژده‌ست دایه، و 17 هزار 489 كه‌س تووشبوویێن ئه‌ڤى ڤایرۆسى نه".
ئاماژه ب ئه‌وێ چه‌ندێ ژى كریه، "دنهادا پزیشك و پسپۆڕێن وه‌ڵاتێ چینێ مژویلى ڤه‌دیتنا چاره‌سه‌ریه‌كا بنه‌مایى نه بۆ ئه‌ڤى ڤایرۆسێ نۆیێ كۆڕۆنا، كو بوویه ئه‌گه‌رێ سنورداكرنا هاتنووچوون و تێكه‌لبوونا زێده‌تر ژ 60 ملیۆنا كه‌سان".
ڤایرۆسێ كۆڕونا تا نها 27 وه‌ڵاتێن جیهانێ ڤه‌گرتینه، كو پتریا تووشبوویێن ئه‌ڤه ڤایرۆسى ل وه‌ڵاتێ چینێ نهه، و تا نها هیچ چاره‌سه‌ریه‌تك بۆ نه‌هاتیه دیتن، و ڕۆژ بۆ ڕۆژێ ژماره‌یا توه‌وشبوویان به‌رڤ زێده‌بوونێ یه، پسپۆر ژى دده‌نه دیاركرن، دمێژوویا مرۆڤایه‌تیێ دا تا وها ڤایرۆسه‌كێ ب ڤى شێوه‌ى نه‌بوویه، و ده‌ستپێكا وى ژى بۆ دۆماهیا ساڵا 2019ێ ڤه‌دگه‌ڕیت .
داڕشتن: ئۆمێد حاجى
No comments:
Post a Comment