پرس میدیا
ژئه‌گه‌رێ ئێخستنه خۆارا فڕۆكه‌یه‌كا ئۆكرانى، دێ كه‌نه‌دا سكاڵایه‌كێ لسه‌ر ڕێبه‌رێ بلندێ ئێرانێ و به‌رپرسێن سه‌ربازیێن ئه‌وى وه‌ڵاتى تۆماركه‌ت، و داخازا نێزیكى 2 ملیارێن قه‌ره‌بوویێ دكه‌ت .
پارێزه‌رێن قوربانیێن سه‌رنشینێن كه‌نه‌دا یێن فڕۆكا ئۆكرانى، كو ژلایێ سۆپایێ ئێرانێ ڤه كه‌ڤت بوو خۆارێ، ئاشكرا دكه‌ن، دى َسكاڵایێ لسه‌ر عه‌لى خامه‌نه‌یى ڕێبه‌رێ بلندێ ئێرانێ و ئه‌میر عه‌لى حاجیزاده فه‌رماندێ بلندێ سۆپایێ پاسداران تۆماركه‌ن .
ئاماژه ب ئه‌وێ چه‌ندێ ژى كریه، دوێ فڕۆكا ئۆكرانیا ئێرانێ ئێخستیه خۆارێ، 57 هاوڵاتیێن كه‌نه‌دى تێدابووینه .
پارێزه‌رێن كه‌سوكارێن قوربانیان گوتیه ژى، مه داخازا نێزیكى 2 ملیار دۆلاران كریه وه‌ك قه‌ره‌بوو بۆ كه‌سوكارێن قۆربانیان .
ل مه‌ها ده‌ڕبازبووى سۆپایێ پاسدارێن ئێرانێ ب مووشه‌كه‌كێ فڕۆكه‌یه‌كا ئۆكرانى ب 176 سه‌رنشینان ڤه ئێخسته خۆارێ، و هه‌موویان ژى ژیانا خۆ ژده‌ست دا، ئێرانێ ڕاگه‌هاند ئه‌و كاره ب خه‌له‌تیڤه بوویه .
داڕشتن: ئۆمێد حاجى
No comments:
Post a Comment