پرس میدیا
ژئه‌گه‌رێ به‌ڵاڤكرنا ڕاپۆرته‌كێ جێگرێ سه‌رۆك وه‌زیران دێ سكاڵایه‌كێ لسه‌ر كه‌ناڵێ ئێن ئاڕ تى تۆمار كه‌ت .
سه‌میر هه‌ورامى، په‌یڤدارێ جێگرێ سه‌رۆك وه‌زیرێن هه‌رێما كوردستانێ دڕونكرنه‌كێ دا ڕاگه‌هاند، "كه‌ناڵێ ئێن ئاڕ تى ڕاپۆرته‌كا بێ بنه‌ما به‌ڵاڤكریه، و گوتیه قۆباد تاڵه‌بانى به‌رامبه‌ر هنده‌ك پاره‌یان بێده‌نگ بوویه لهه‌مبه‌ر دیارنه‌مانا داهاتێ نه‌فتێ".
ئاماژه ب ئه‌وێ چه‌ندێ ژى كر، "یا دیاره ئه‌ڤى كه‌ناڵى زۆر جاران تۆمه‌تێن بێ بنه‌ما ئاراسته‌ى جێگرێ سه‌رۆك وه‌زیران كرینه، به‌لێ ژ ئه‌گه‌رێ پشته‌ڤانیا قۆباد تاڵه‌بانى بۆ میدیایێ لسه‌ر مافێ خۆ بێده‌نگ بوویه، و سكاڵا تۆمار نه‌كریه".
هه‌روه‌سا گوتیه ژى، "به‌لێ ئه‌ڤ جاره ژ ئه‌گه‌رێ ده‌ڕبازكرنا هه‌موو سنووران و به‌رده‌وامبوون لسه‌ر چه‌واشه‌كرنا خه‌لكى، ب پێدڤى دزانین، لدۆیڤ یاسایا كارێ ڕۆژنامه‌ڤانى سكاڵایا یاسایى لسه‌ر كه‌ناڵێ ئێک ئاڕ تى تۆمار بكه‌ین، ژ بۆ كو چ جارێن دى بناڤێ كارێ ڕۆژنامه‌ڤانى په‌نایێ ژبۆ ناڤزراندن و دروستكرنا تۆمه‌تان و چه‌واشه‌كاریێ بۆ مه‌ره‌مێن خۆ نه‌كه‌ت".
ئه‌ڤه دده‌مه‌كى دایه، به‌ریا نها كه‌ناڵێ ناڤبرى ڕاپورته‌ك لسه‌ر قۆباد تاڵه‌بانى به‌ڵاڤكر بوو، كو قۆباد تاڵه‌بانى به‌رامبه‌ر وه‌رگتنا كۆژمه‌كێ پاره‌ى بێده‌نگه لسه‌ر دیارنه‌مانا داهاتێ نه‌فتێ .
داڕشتن: ئۆمێد حاجى
No comments:
Post a Comment