پرس میدیا
هه‌ر ئێك ژ پارێزگه‌هێن هه‌ولێر، دهۆك، سلێمانى و هه‌ڵه‌بجه د به‌یاننامه‌یه‌كا هه‌ڤبه‌ش دا، بڕیاردا هه‌موو ئه‌وان كافیتریایێن نارگیله تێدا دهێنه كێشان بهێنه گرتن .
ئه‌ڤروو ڕۆژا چوارشه‌مبى، ئیداره‌یێن هه‌ر ئێك ژ پارێزگه‌هێن هه‌ولێر، دهۆك، سلێمانى و هه‌ڵه‌بجه، دبه‌یاننامه‌یه‌كا هه‌ڤبه‌ش دا، ب ڕێكا لژنه‌یه‌كا هه‌ڤبه‌شا قائیمقامیێ بڕیارا گرتنا هه‌موو ئه‌وان جهان و كافیتریایێن نارگیله تێدا دهێته كێشان دا.
ئاماژه ب ئه‌وێ چه‌ندێ ژى كریه، "دگه‌ل گرتنا جهێن نارگیله‌كێشانێ هه‌موو مه‌له‌ڤانگه‌هـ ژى دێ هێنه گرتن، هه‌روه‌سا هه‌ر كافیتریایه‌ك و مه‌له‌ڤانگه‌هه‌ك یا پابه‌ندى ئه‌ڤێ بڕیارێ نه‌بیت، دێ تۆشى سزایى بیت".
ئه‌ڤه دده‌مه‌كى دایه، ڤایرۆسێ كۆڕۆنا دبه‌ڵاڤبوونه‌كا بله‌زدایه، و ل عێراقێ ژى 5 حاله‌ت هاتینه تۆماركرن، 4 ل پارێزگه‌ها كه‌ركوكێ و حاله‌ته‌ك ژى ل پارێزگه‌ها نه‌جه‌ف، بڤێ چه‌ندێ ژى حكومه‌تا هه‌رێما كوردستانێ دچارچووڤێ بزاڤێن خۆ دا بۆ ڕێگریكرن ژ ڤایرۆسێ كۆڕۆنا چه‌ندین بڕیار و ڕێنمایى ده‌ركرینه .
داڕشتن: ئۆمێد حاجى
No comments:
Post a Comment