پرس میدیا
به‌رپرسێ په‌یوه‌ندیێن ده‌رڤه یێن پارتى ب شێوه‌كێ پێكه‌نیناوى به‌حس ل كۆنگرێ ئێكه‌تى دكه‌ت و گوت ژ ساڵا بوورى وه‌ره كۆنگرێ ئێكه‌تى به‌رده‌وامه .
هۆشیار سیوه‌یلى به‌رپرسێ په‌یوه‌ندیێن ده‌رڤه یێن پارتى دیموكراتى كوردستان، د هه‌ژمارا خۆ یا ڤه‌یسبۆكى دا به‌حس ل كۆنگرێ ئێكه‌تى دكه‌ت، و دبێژیت، "درێژترین كۆنگرێ ئێكه‌تى كو ل 21ێ كانوونا دووێ یا ساڵا ده‌ڕبازببوى ده‌ستپێكر و تا نها به‌رده‌وامه".
ئاماژه ب ئه‌وێ چه‌ندێ ژى كر، "كۆنگره ژ دوو ئه‌ركێن سه‌ره‌كى پێكدهێت ئه‌و ژى هه‌لبژاردنا سه‌ركردایه‌تیێ و سكێرتێر یان سه‌رۆ:ى َحزبێ و بڕیاردانه لسه‌ر په‌یڕه‌وێ ناڤخۆ، به‌لێ تا نها كۆمبوونێن ئێكه‌تى پشتى ده‌ڕبازبوونا شه‌ش هه‌فتیان لسه‌ر ئه‌نجامدانا كۆنگره‌ى به‌رده‌وامنه بۆ ته‌مامكرنا ئه‌وان دوو ئه‌ركان".
لدور په‌یوه‌ندیێن پارتى و ئێكه‌تى گوت، "نه‌بوونا ناڤه‌نده‌كا بڕیارێ دناڤ ئێكه‌تیێ دا دێ بۆ ئێكه‌تیێ بخۆ یا نێگه‌تیڤ بیت، و دێ كاریگه‌رى لدور په‌یوه‌ندیێن ئێكه‌تى و پارتى ژى كه‌ت، و ب تایبه‌تى ژى بۆ پڕكرنا پۆستێن گرنگێن حكومه‌تێ".
ئه‌ڤه دده‌مه‌كى دایه، ل 21ێ مه‌ها 12 یا ساڵا ده‌ڕبازبووى ئێكه‌تیێ چواره‌م كۆنگرى َخۆ ئه‌نجامدا و تا نها دوو كۆمبوونێن سه‌ركردایه‌تیێ ئه‌نجامداینه، و نه‌شیاینه سكێرتێرێ حزبێ هه‌لبژێرن، و تا نها په‌یره‌وى َحزبێ ژى په‌سه‌ند نه‌كریه .
داڕشتن: ئۆمێد حاجى
No comments:
Post a Comment