پرس میدیا
تا نها ل هەرێما کوردستانێ، 15 تۆشبوویێن ڤایرۆسێ کۆڕۆنا هاتینە تۆمارکرن .
پشتی کو ئەڤروو ڕۆژا سێشەمبی، کچەکا 19 ساڵی ل پارێزگەها سلێمانیێ، تۆشی ڤایرۆسێ کۆڕۆنا بووی، ژمارەیا تۆشبوویێن ڤایرۆسێ کۆڕۆنا ل هەرێما کوردستانێ گەهشتە 15 کەسان، کو 11 ژ وان ل پارێزگەها سلێمانیێ نە و 4 ژی ل پارێزگەها هەولێرێ نە، تا نها ژی ل پارێزگەها دهۆك و هەڵەبجە هیچ حالەتەکێ تۆشبوون ب ڤایرۆسێ کۆڕۆنا نەهاتینە تۆمارکرن، هەر چەندە تا نها ژی چەندین کەس لژێر کەرەنتینێ دانە .
وەزارەتا تەندروستیا حکومەتا هەرێما کوردستانێ ژی ڕاگەهاندیە، هەموو هەلگرێن ڤایرۆسێ کۆڕۆنا ل هەرێمێ ڕەوشا وان باش و جێگیرە، ژبلی کەسەکی کو ئەوی ژی بەریا نها نەخۆشیێن دووم درێژ هەبووینە .
وەزارەتا تەندروستیا حکومەتا هەرێما کوردستانێ ژی ڕاگەهاندیە، هەموو هەلگرێن ڤایرۆسێ کۆڕۆنا ل هەرێمێ ڕەوشا وان باش و جێگیرە، ژبلی کەسەکی کو ئەوی ژی بەریا نها نەخۆشیێن دووم درێژ هەبووینە .
ژ وان 15 تۆشبوویێن ل هەرێمێ هاتینە تۆمارکرن، 1 حالەت ل پارێزگەها سلێمانیێ ژیانا خۆ ژدەستدایە، و ئێك حالەت ژی ل هەمان پارێزگەهـ ب تەمامی چارەسەر بوویە، و ڕەوانەی ماڵ هاتیە کرن .
هەروەسا ئەو کەسێن ل هەرێمێ تۆشبوویێن، هەمی ئەو کەسە ژ ئێرانێ ڤەگەڕیاینە، یان ژ سەرەدەری دگەل وان کەسا کریە کو ژ ئێرانێ ڤەگەڕیاینە .
حکومەتا هەرێما کوردستانێ ژی بۆ ڕێگریکرن ل بەڵاڤبوونا ڤایرۆسێ کۆڕۆنا ل هەرێمێ، چەندین ڕێنمایی و بڕیار دەرکرینە .
داڕشتن: ئۆمێد حاجی
No comments:
Post a Comment