پرس میدیا
پارێزگارێ دهۆکێ، ب فەرمی قەدەغەیا هاتن و چوونێ ل پارێزگەها دهۆکێ بۆ ماوێ 5 ڕۆژان ڕاگەهاند، و دێ ئەڤ شەڤە دەمژمێر 12 دەست پێکەت .
فەرهاد ئەترۆشی پارێزگارێ دهۆکێ، دکۆنگرەیەکێ ڕۆژنامەڤانی دا، ب فەرمی قەدەغەیا هاتن و چوونێ ل پارێزگەهێ ڕاگەهاند بۆ ماوێ 5 ڕۆژان، و دێ ئەڤ شەڤە دەمژمێر 12 دەستپێکەت .
ئاماژە ب ئەوێ چەندێ ژی کر، "بلا خەلك خۆ تێک نەدەت، چونکە سەمۆنخانە، نانپێژ، مارکێت و بازاڕێ گوشتی دێ دڤەکریبن و کارێ خۆ کەن، و دێ ڕێک ب هاتن و چوونا وان هێتە دان".
هەروەسا گوت ژی، ئەڤ قەدەغەیا هاتن و چوونێ ڕۆژنامەڤان ڤەناگریت .
هەروەسا پارێزگارێ دهۆکێ داخاز ژ هەموو هاوڵاتیان کر، کو ب قەدەغەیا هاتن و چوونێ پێگیر بن".
پارێزگارێ دهۆکێ دۆپاتی ل خۆ پاراستنا هاوڵاتیان کر ژ پێناڤ ڕێگریکرن ل بەڵاڤبوونا ڤایرۆسێ کۆڕۆنا، و دیار کر، دبیت هەر دەمەکی ڤایرۆسێ کۆڕۆنا ل دهۆکێ ژی بەڵاڤببیت، و هندەک حالەت بهێنە تۆمارکرن .
تا نها ل هەرێما کوردستانێ 38 حالەتێن تۆشبوون ب ڤایرۆسێ کۆڕۆنا هاتینە تۆمارکرن، 9 حالەت ب تەمامی چارەسەربووینە، و 1 حالەت ژی ژیانا خۆ ژدەستدایە .
داڕشتن: ئۆمێد حاجی
No comments:
Post a Comment