بڕیارەکا نەباش بۆ خۆ پاراستن ژ نەباشترینێ - پرس بادینی

إعلان فوق المشاركات

بڕیارەکا نەباش بۆ خۆ پاراستن ژ نەباشترینێ

بڕیارەکا نەباش بۆ خۆ پاراستن ژ نەباشترینێ

گۆتار - ئۆمێد حاجی بەڕۆشکی

گرتنا دەرگەهێن مزگەفتان بۆ مە هەموو مۆسلمانان یا ب ئێش بوو، چ ئەوێن دچنە مزگەفتا یان ژی نەچن ..
بەلێ خۆدێ عاقلێ دایە مە دا ئەم پێ هزربکەین، گرتنا دەرگەهێن مزگەفتا بریاڕەکا باش نەبوو بەلێ خۆ پاراستن بوو ژ نەباشترینێ .

عاتفیەتا مە کوردان و نەهزرکرنێ گەلەك دەردەسەری یێن ئیناینە سەرێ مە، نەخاسم دبابەتەکێ تەندروستی دا هیچ پێدڤی ناکەت عاتفیەتێ بکاربینی، ئەڤ بابەتە ب ملیۆنەها مرۆڤان ڤە گرێدایە ..

دەولەت سەرێ دەستهەڵاتا مە یا کوردی ژی کو 29 ساڵن، نەشیاینە سیستەمەکێ تەندروستیێ باش بدانن، بەرۆڤاژی سیستەمێ تەندروستیێ ئەڤێ هەرێمێ بوویە قاتلێ چەندین زارۆك، ژن و پیران ...

لەوان ژی مادەم مە باوەری ب سیستەمێ خۆ یێ تەندروستی نینە، پێدڤیە ب باشترین شێوە ئەم خۆ ب پارێزین، ئەگەر نە ئەڤ ڤایرۆسە دناڤ مەدا بەڵاڤ بیت، دێ گەلەك ژ مە تۆشبن و بنە قوربان تایبەت ژی دانعەمر و زارۆك، چونکە بەرگریا لەشێ وان یا کێمە، و دیارە ژی کو پتریا ئەوێن دچنە مزگەفتان دانعەمرن ئەڤە ژی ب مخابنی ڤە، مادەم باشترین ڤەگرتنا ڤایرۆسان دانعەمر و زارۆكبن، و پتریا مزگەفتان ژی دانعەمر لێبن، کەواتە دێ مزگەفت باشترین جهــ ژی بیت بۆ بەڵاڤبوونا و قوربانیبوون ب دەستێن ڤایرۆسی .

بوویە ژی پێدڤیە ناکەت ب گرتنا دەرگەهێن مزگەفتان عاتفیەتا تە بلندببیت، بەرۆڤاژی پێتڤیە ئەم هەموو پێگیربین ب ڕێنمایان بۆ خۆ پاراستنێ و دهاریکاربین .

خالەکا دی ژی یا گرنگا هەی، کو ئەڤ بڕیارێن بۆ خۆ پاراستنێ هاتینە دەرکرن، بتنێ مزگەفت بەرنەکەتینە، بەرۆڤاژی ( ڕاوەستاندنا قۆتابخانە و زانکۆیان، ڕاوەستاندنا داواتان، ڕاوەستاندنا نارگیلەکێشانێ، ڕاوەستاندنا سەرەدانێن نەخۆشان، ڕاوەستاندنا تازیان، هتد... ) .

بەلێ ئەڤ نەڕازیبوونا خەلکی بەرامبەر ئەڤێ بڕیارێ، سەربۆڕێن دیێن حکومەتێ نە بەرامبەر دژایەتیا ئیسلامێ و مزگەفتان و کەسێن ئاینی، لەوان ژی خەلك حەقە کو هزرەکا وەسا بکەن و لدژی بن، بەلێ ب بۆچوونا من ئەڤ جارە تەمام بابەت جیاوازە، و مەتڕسیا بەڵاڤبوونا ئەڤی ڤایرۆسی ل وەڵاتێ مە هەیە، و بلا نەهێلین مزگەفت ببنە ڕێکەك بۆ بەڵاڤبوونا ئەڤی ڤایرۆسی .

و پاشان ژی ب ئەگەرێ نەمانا ئەڤی ڤایرۆسی و نەمانا مەتڕسیا بەڵاڤبوونا ئەڤی ڤایرۆسی، و حکومەتێ دەرگەهێن مزگەفتان نە ڤەکرن، ئەم هەموو مۆسلمان و ئەز یێ ئێکێ ئامادەینە بچینە سەر جادەیان نڤێژان بکەین، و پێکڤە دەرگەهێن مزگەفتان ڤەکەین .

ئۆمێد حاجی

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©