پرس میدیا
دماوێ 24 دەمژمێرێن بووریدا ل ئێرانێ 15 کەسان ژ ئەگەرێ ڤایرۆسێ کۆڕۆنا ژیانا خۆ ژدەستداینە، و وەزیرێ تەندروستیا ئەوی وەڵاتی ژی دبێژیت، کۆڕۆنا نە تڕانەیە .
ئەڤروو ڕۆژا پێنچ شەمبی، سەعید نەمەکی وەزیرێ تەندروستیا ئێرانێ، دکۆنگرەیەکێ ڕۆژنامەڤانی دا، تۆشبوونا 591 کەسێن دی ب ڤایرۆسێ کۆڕۆنا و ژیان ژدەستدانا 15 کەسان د ماوێ 24 دەمژمێرێن بووریدا ڕاگەهاند .
ئاماژە ب ئەوێ چەندێ ژی کر، ئەم داخاز دکەین هەموو ئەو کەسێن تۆشبووین بهێن چارەسەریا وان بکەین، چونکە ئەم دگەل ڕێکخراوا تەندروستیا جیهانی د هەماهەنگیێ داینە بۆ چارەکرنێ .
هەروەسا گوت ژی، ڤایرۆسێ کۆڕۆنا یێ ب مەتڕسیە، و نە تڕانەیە .
ئەڤە ددەمەکی دایە، کۆیێ تۆشبوویێن ڤایرۆسێ کۆڕۆنا ل ئێرانێ سێ هزار 500 کەس دەڕبازکرینە، و 107 کەسان ژی ژیانا خۆ پێ ژدەستدایە .
داڕشتن: ئۆمێد حاجی
No comments:
Post a Comment