پرس میدیا
سەرۆکێ حکومەتا هەرێما کوردستانێ پەیامەك بەڵاڤکر، و تێدا سۆپاسیا هاوڵاتیان کر ب پێگیربوونا وان ب ڕێنمایان .
ئەڤروو ڕۆژا شەمبی، مەسرور بارزانی، سەرۆکێ حکومەتا هەرێما کوردستانێ پەیامەك بەڵاڤکر، و ڕاگەهاند، "سۆپاسیا هاوڵاتیان دکەین بۆ پێگیربوونا وان ب ڕێنمایان، و سۆپاسیا کارمەندێن وەزارەتا ساخلەمی و هێزێن ناڤخۆ دکەین".
ئاماژە ب ئەوێ چەندێ ژی کریە، "ڤایرۆسێ کۆڕۆنا ل هەرێما کوردستانێ و زێدەتر ژ 100 وەڵاتان بەڵاڤبوویە، هەرێما کوردستانێ ژی چەندین ڕێنمایی و بڕیاێن خۆپاراستنێ دەرکرینە بۆ ڕێگریکرن ل ئەڤی ڤایرۆسی".
ئاماژە ب ئەوێ چەندێ ژی کر، "بەڵاڤبوونا ئەڤێ نەخۆشیێ کاریگەریەکا نەرێنی لسەر ژیانا هەموویان دروستکریە، لێ هوون بەردەوام دەستێن خۆ بشوون و قەرەبالغیێ دروست نەکەن و پێگیربن ب ڕینمایان بۆ ڕێگریکرن ل زێدەتر بەڵاڤبوونا ئەڤی ڤایرۆسی".
هەروەسا گوت ژی، "دڕۆژێن بهێت دا، کاریگەریا ڤایرۆسێ کۆڕۆنا دێ زێدەتر ل هەرێمێ دیاربیت".
هەروەسا گوت ژی، "دڕۆژێن بهێت دا، کاریگەریا ڤایرۆسێ کۆڕۆنا دێ زێدەتر ل هەرێمێ دیاربیت".
هەروەسا سەرۆکێ حکومەتێ، سەرەخۆشیێن خۆ گەهاندنە، خێزانا ئەوی مامۆستایێ ئاینیێ ژ ئەگەرێ ڤایرۆسێ کۆڕۆنا ژیانا خۆ ژدەستدای .
هەروەسا مەسرور بارزانی داخاز ژ هاوڵاتیان کر، هەر کەسەکێ گۆمان ب تۆشبوونێ هەبیت، بلا ئێکسەر پەیوەندیێ ب هێلا گەرما 122 بکەت .
ئەڤە ددەمەکی دایە، تا نها ل هەرێما کوردستانێ، 28 حالەتێن تۆشبوون ب ڤایرۆسێ کۆڕۆنا هاتینە تۆمارکرن، 1 حالەت ژیانا خۆ ژدەستدایە، و ئێك حالەت ژی ب تەمامی چارەسەر بوویە .
داڕشتن: ئۆمێد حاجی
No comments:
Post a Comment