پرس میدیا
وەزارەتا تەندروستیا هەڕێمێ، تۆشبوونا 3 کەسێن دی ب ڤایرۆسێ کۆڕۆنا ڕاگەهاند .
بەریا دەمەکێ کێم، وەزارەتا تەندروستیا هەرێما کوردستانێ، دڕاگەهاندنەکێ دا، ڕاگەهاند، "دماوێ 24 دەمژمێرێن بووریدا، پشکنین بۆ 56 کەسان هاتینە کرن، و ئەنجامێن پشکنینێن 3 کەسان پۆزەتیڤ دەرچوون، و دیار بوو کو تۆشبویێن ڤایرۆسێ کۆڕۆنانە و 2 ژ وان ڤەگەڕیایێن ئێرانێ نە".
ئاماژە ب ئەوێ چەندێ ژی کر، ئێك ژ تۆشبوویان ژنەکا 52 ساڵیە و ئاکنجیا هەولێرێ یە، و خۆشکا ئەوێ ژنا دوهیە کو ل هەولێرێ تۆشی هەمان ڤایرۆس ببوو، هەروەسا هەر دوو تۆشبویێن دی ئاکنجیێن سلێمانیێ نە و زەڵامن، ئێك 53 ساڵە، و یێ دی 52 ساڵە .
بڤێ چەندێ ژی ژمارا تۆشبوویێن ڤایرۆسێ کۆڕۆنا ل هەرێما کوردستانێ گەهشتنە 13 کەسان، 10 ل سلێمانیێ و 3 ل هەولێرێ، و ئێك تۆشبوویێ سلێمانیێ ژیانا خۆ ژدەستدایە .
داڕشتن: ئۆمێد حاجی
No comments:
Post a Comment