پرس میدیا
سه‌رۆكێ فڕاكسیۆنا یه‌كگرتوو ل په‌ڕله‌مانێ كۆردستانێ ڕادگه‌هینیت، ئه‌م یێن دمه‌ها 3 یا ساڵا 2020ێ دا، به‌لێ حكومه‌ت هێشتا دمه‌ها 12 یا ساڵا 2019ێ دایه ژلایێ دابه‌شكرنا مووچه‌یان ڤه، و هێشتا ساڵا نۆى نه‌دیتیه .
ئه‌ڤروو ڕۆژا ئێكشه‌مبى، د.شێركو جه‌ودوت سه‌رۆكێ فڕاكسیۆنا یه‌كگرتوویا ئیسلامى ل په‌ڕله‌مانێ كوردستانێ، لدور دابه‌شنه‌كرنا مووچه‌یان، دهه‌ژمارا خۆ یا ڤه‌یسبۆكى دا په‌یامه‌ك به‌ڵاڤكریه، و تێدا هاتیه، "حكومه‌ت هه‌ر جار ب هێجه‌ته‌كێ مووچه‌یان دابه‌شناكه‌ت و پاش دئێخیت، ئه‌ڤێ چه‌ندێ ژی وه‌كریه چ ده‌مه‌كى مووچه‌خۆر هه‌ست ب پشت ڕاستیێ نه‌كه‌ن به‌رامبه‌ر مووچه‌یێن خۆ كو مافێ وانه".
ئاماژه ب ئه‌وێ چه‌ندێ ژی كریه، "ژبلى تڕسا ڤایرۆسێ كۆڕۆنا، تڕسا مووچه‌یان ژی لده‌ڤ خه‌لكى زێده‌بوویه".
سه‌رۆكێ فڕاكسیۆنا یه‌كگرتوو دۆپات دكه‌ت، "ئه‌و حكومه‌تا نه‌شێت هه‌ماهه‌نگیێ دناڤبه‌را وه‌زاره‌تا ته‌ندروستى و دارایى دروست بكه‌ت، ئه‌و حكومه‌ته‌كا شكه‌ستیه".
ئه‌ڤه دده‌مه‌كى دایه، دوهى ڕۆژا شه‌مبى، وه‌زاره‌تا دارایى و ئابوریا حكومه‌تا هه‌رێما كوردستانێ ڕاگه‌هاند، ژ ئه‌گه‌رێ ڤایرۆسێ كۆڕۆنا ئه‌م نه‌شێن مووچه‌یان دابه‌شبكه‌ین .
داڕشتن: ئۆمێد حاجى
No comments:
Post a Comment