ناڤه‌ڕۆكا كۆمبوونا پۆتینى و ئه‌ردۆغانى - پرس بادینی

إعلان فوق المشاركات

ناڤه‌ڕۆكا كۆمبوونا پۆتینى و ئه‌ردۆغانى

ناڤه‌ڕۆكا كۆمبوونا پۆتینى و ئه‌ردۆغانى

پرس میدیا

ئه‌ردۆغان و پۆتین ل كۆشكا كریملن كۆمبوون و سه‌رۆكێ ڕۆسیا دده‌مێ كۆمبوونا هه‌ڤ پله‌یێ خۆ یێ توركى، سه‌ره‌خۆشى لێكرن ب مرنا 34 سه‌ربازێن وه‌ڵاتێ وى ل ئیدلبێ .

ئه‌ڤروو ڕۆژا پێنچ شه‌مبى، ل كۆشكا كریملن ل مۆسكو، ڤلادیمێر پۆتین، سه‌رۆكێ ڕوسیا، و ڕه‌جه‌ب ته‌یب ئه‌ردۆغان سه‌رۆك كۆمارێ توركیا كۆمبوون، پۆتینى ژی دكۆمبوونێ دا ڕاگه‌هاند، "ئالۆزیێن ئیدلبێ گه‌هشتینه‌ ئاسته‌كى كو پێدڤى ب دانۆستاندنێن ڕاسته‌وخۆ هه‌یه‌، و پێدڤیه‌ ئه‌و ئالۆزى بهێنه‌ ده‌ڕبازكرن، و كار بۆ دووباره‌نه‌بوونا وان بهێنه‌ كرن".

پۆتیى دكۆمبوونێ دا، سه‌ره‌خۆشى ل ئه‌ردۆغانى كرن، ب مرنا 34 سه‌ربازێن وه‌ڵاتێ وى، و گۆت، "مه‌ نه‌دزانى كو ئه‌و بنگه‌هێن سه‌ربازیێن توركیانه‌ ئه‌وێن مه‌ بۆردۆمانكرین".

ئاماژه‌ ب ئه‌وێ چه‌ندێ ژی كر، "لسه‌ر داخازا ئه‌ردۆغانى ئه‌م ئاماده‌ینه‌ بۆ دانوستاندنێن ڕاسته‌وخۆ، و پشتى ئه‌ڤان گڤتۆگۆیان هه‌ر چیا ل سوریا ڕوویبده‌ت دستۆیێ ڕوسیا و توركیا دایه‌".

هه‌روه‌سا سه‌رۆكێ توركیا گوت، "گۆمان تێدا نینه‌، كو گڤتۆگۆیا ئه‌ڤروو ده‌رباره‌ى ئیدلبێ دێ یا چاره‌نڤیسى بیت".

ئه‌ردۆغانى ئاماژه‌ ب ئه‌وێ چه‌ندێ ژی كر، "ئاسته‌نگێن لهه‌مبه‌ر مه‌ هه‌ردوو وه‌ڵاتان په‌یوه‌ندیێن مه‌ بهێزتر لێكرن، و ل نێزیك دێ ئه‌وان ئاسته‌نگان ژی ده‌ڕبازكه‌ین".

ئه‌ڤه‌ دده‌مه‌كى دایه‌، 27ێ مه‌ها ده‌ڕبازبووى سۆپایێ سوریا بۆردۆمانا چه‌ندین بنگه‌هێن سه‌ربازیێن توركیا كرن، ل پارێزگه‌ها ئیدلبێ، ب وى ئه‌گه‌رى ژی 34 سه‌ربازێن توركیا هاتنه‌ كوشتن، و ئه‌نقه‌ره‌یێ ژی وه‌ك كارڤه‌دان ده‌رگه‌هێن خۆ به‌رامبه‌ر كۆچبه‌ران ڤه‌كرن بۆ ئه‌وڕۆپا .

داڕشتن: ئۆمێد حاجى

No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©