ل گۆڕەی زانیاریێن تایبەتێن پرس میدیا کو ژ مەلبەندێ کۆمەلا ئیسلامی و ئەندامێ سەرکردایەتیا ئەوێ حزبێ ب دەست کەفتین، سۆران عومەر ئەندامێ ئەنجومەنا نونەرێن کوردستانێ ترومبێلەکا ژ جورێ تۆیۆتاـ لاندگروزەرـ کول کوردستانێ دبێژنێ مونیکا، ژ جورێ درع مودێل ٢٠١٩ وەکو دیارێ ژ لاهور شێخ جەنگی هەڤسەروکێ ئێکەتیا نشتیمانیا کوردستانێ وەرگرتیە.
دنهادا پێدانا ئەوێ ترومبێلێ ئالوزی دناڤبەرا چەند مەلبەندەکاندا دروست کریە و ب ناڤێ نەرازیبونێ عەلی باپیر ئەمیرێ ئەوێ حزبێ ئاگەهدارکرنە، کو داخازا روونکرنێ ژ سوران عومەری بکەتن کا ئەو ترومبێل بەرامبەر چ وەرگرتیە.
ئەو مەلبەندێن نەرازیبون دیارکری بریتنە ژ مەلبەندێ (هەولێر، سۆران و گەرمیان).
جیگرێ ئێک ژ مەلبەندێن کومەلا ئیسلامی کو ئەم ناخوازین ناڤێ وی ئاشکرا یکەین بو پرس میدیا گوت "ئەڤە د دەمەکێ دا کو کەنالێ پەیام ب زەکاتا برێڤەدچیت و مەلبەند ژی ب ئابونەیا ئەنداما، کاک سوران ژی ترومبێلا ب بیست دەفتەرا وەردگریت و کەس نزانیت بەرامبەر چ تشتی یە ژی".
پرس میدیا دیف چون لسەر بهایێ هەمان ترومبێل کر کو دنهادا ل پێشانگەهێن کوردستانێ ئەو ترومبێلا درع مودێل ٢٠١٩ ب بهایێ ١٨٦٠٠٠ سەد و هەشتێ و شەش هەزار دولارایە(ب حسابا بازارێ کوردستانێ ب ١٨ هەژدە دەفتەر دولارە).
پرس میدیا لسەر هەمان بابەت پەیوەندی ب سوران عومەر ئەندامێ پەرلەمانێ کوردستانێ کر، پشتی چەندین جارێن پەیوەندی کرنێ بەلێ چ مفا نەبو و بەرسف نەهاتە دان.
No comments:
Post a Comment