پرس بادینی
د راگه‌هاندنه‌كا تایبه‌تا ئه‌نجومه‌نێ وه‌زیرێن حكومه‌تا هه‌ریما كوردستانێ دا هاتیه ڕاگه‌هاندن, ئه‌ڤرو مه‌سرور بارزانی سه‌روكێ ئه‌نجومه‌نێ وه‌زیران ب ریكا ڤیدیۆ كونفرانس دگه‌ل شاندێ دانوستاندنكارێن كوردستانێ ل به‌غدا ب سه‌روكایه‌تیا قوباد تاله‌بانی كومبوویه و داوی پێشهات و ئه‌جیندایێن كومبوونێ دگه‌ل به‌غدا گوتوبێژكرن.
د هه‌مان راگه‌هاندن دا هاتیه كو حكومه‌تا هه‌رێمێ ب گیانه‌كێ برپرسیارانه و ژ بوی رووبرووبونا ئه‌ڤێ ره‌وشا هاتیه پێش گوتوبیژ و دانوستاندنان دگه‌ل حكومه‌تا ناڤه‌ندی دكه‌ت, ب ئارمانجا وێ یه‌كێ بگه‌هنه رێككه‌فتنه‌كا هه‌ڤبه‌ش كو مافێ هه‌رددوو ئالیا وه‌كی دوو حكومه‌ت تێدا پاراستی بیت.
د راگه‌هاندنا ئه‌نجومه‌نێ وه‌زیراندا هاتیه ژی كو ئه‌و ب چ ڕه‌نگا به‌رامبه‌ر چ تشته‌كێ ته‌نازولێ ناكه‌ن لسه‌ر مافێ خه‌لكێ كوردستانێ و نه‌ڤێن ریككه‌فتنه‌كا وه‌سا ئه‌نجامبده‌ن كو سه‌روه‌ریا هه‌رێمێ بكه‌ته ژێر پرسیارێ.
ل دوماهیكێ ژی ئه‌و یه‌ك پشت راستكر ژ بوی گه‌ره‌كا دی یا دانوستاندنا ئه‌و ئاماده‌نه و ئه‌وا پێتڤی بیت ژ بوی حكومه‌تا ناڤه‌ندی ئه‌نجامدانه و چاڤه‌رێیا به‌رسڤا به‌غدا دكه‌ن به‌رامبه‌ر ماف و شایسته‌یێن دارای و داخازێ ژی دكه‌ن ئه‌وان پرسا ب یاسا و ده‌ستوری چارىه‌سه‌ربكه‌ن نه‌كو ب میزاجێ كه‌سی و غه‌ریزه‌یا سیاسی.
No comments:
Post a Comment