پرس باديني
ئه‌ندامه‌كێ دامه‌زرێنه‌رێ ماموستایێن نه‌رازی ل كه‌ركوكێ راگه‌هاند "28ته‌مموزێ هێمایێ دلسوزی و به‌ره‌ڤانیكرن ل مافان بوو به‌لێ لسه‌ر مێزا سیاسیان بتنێ ململانێا سیاسی بوو ب خوینا جه‌ماوه‌رێ دلسوزێ كه‌ركوكێ هات كرن، كو پشكا شێر به‌ر ماموستایان كه‌فت دوێ قوربانیێ دا".
سه‌لام عه‌زیز ئه‌ندامێ دامه‌زرێنه‌رێ ماموستایێن نه‌رازی ل كه‌ركوێ د لێدوانه‌كێ دا ژ بوی "پرس میدیا" راگه‌هاند "ئه‌وا ل 28ی ته‌مموزا 2008ێ روودای چو لایه‌نێن سیاسی شانازیێ پێ نابه‌ن چونكه بتنێ ململانێیا سیاسی بوو، نه‌كو ماف و به‌ره‌ڤانیكرن ژ مافان بوو، ژ به‌ر هندێ دبێژین كا چهات كرن ژ بوی كه‌ركوكێ هه‌تا ماددێ 140 بتنێ وه‌ره‌قه‌كا قومارێ یا خوساره‌ته د ده‌ستێ حزبێن كوردستانی دا".
ئماژه ب وێ یه‌كێ ژی كر "ئه‌ڤروو پشتی ئه‌وێ مێژوویێ، جه‌ماوه‌رێ كه‌ركوكێ خودانێت خونه و چو لایه‌نێن سیاسی نه‌شێن ژ بوی به‌رژه‌وه‌ندیا خوه ب كاربینن و جاره‌كا دی ئه‌وێ جورعه‌تێ بكه‌ن كه‌ركوكێ بكه‌نه قوربانی و بكار بینن".
ئه‌ڤه‌ژی د ده‌مه‌كێ دایه ل 28ی ته‌مموزا سالا 2008 خوه‌نیشاندانه‌ك دژی نه‌هێلانا مادده‌یه‌كێ ده‌ستوری ژ لایێ حزبێن كوردی ڤه هاته رێكخستن، هه‌ر ئه‌و یه‌ك ژی بو سه‌ده‌ما شه‌هیدبون و برینداربونا ژماره‌یه‌كا ماموستایان، ئه‌وژی ب سه‌ده‌ما په‌قینه‌كێ داناڤا خوه‌نیشانده‌ران دا".
ويَنةييَ وان ماموستاييَ شةهيدبووي:
No comments:
Post a Comment