پرس بادینی
ژ ئه‌گه‌را سه‌رپێچیكرن و پابه‌ندنه‌بون ب رێكارێن خوپاراستنێ ژ ڤایروسێ كۆرۆنایێ، لژنا هه‌ڤبه‌شا قائیمقامیا سلێمانیێ پێنج رێستورانت هه‌تا ده‌مه‌ك نه‌دیار داخستن.
د راگه‌هاندنه‌كێ دا قائیمقامیا سلێمانیێ، كۆردو عه‌زیز سه‌روكێ لژنا رێستورانتێن لژنه‌یێن هه‌ڤبه‌ش ئاماژ ب وێ یه‌كێ كر، ریستورانتێن (به‌رلین، ئه‌نغام به‌غداد، سایه‌گول یه‌ك، شنه و كارڤان) ب بریارا قائیمقامیا سلێمانیێ تا ده‌مه‌كێ نه‌دیار وێ وه‌رن داخستن و لژنا لژنه‌یێن هه‌ڤبه‌ش ژی خودانێن وان وێ رووبرووێ رێكارێن یاسای ببن.
ئاماژه ب وێ یه‌كێ ژی كر، لژنا بلندا ئوپه‌راسیونێن دژی ڤایروسێ كۆرۆنا ل باژێرێ سلێمانیێ، ب مه‌رجێ جێبه‌جێكرنا هه‌مو رێنمایێن ته‌ندروستی و رێكارێن خوپاراستنێ دكان و ته‌مامیا بازاری هاتنه ڤه‌كرن، ل ده‌ما پابه‌ندنه‌بونێ ئه‌و جهه ژ لایێ لژنا هه‌ڤبه‌شا قائیمقامیا سلێمانیێ ڤه وێ وه‌رن داخستن و خودانێن وان ژی ویچ رووبروویی رێكارێن یاسای ببن.
ئه‌و یه‌ك ژی روونكر، به‌ریا نها لژنا بلندا قه‌یمقامیه‌تێ ئه‌و هه‌مو جهه ئاگه‌هداركربون كو ل گوره‌ی رێنمایێن ژورا ئوپه‌راسیونان دژی ڤایروسێ كۆرۆنایێ هاتبونه ڤه‌كرن، ژبه‌ر پێگیرنه‌بونا وان جاره‌كا دی هاتنه داخستن، ل ده‌ما دووباره‌كرنا سه‌رپێچییان وێ دووباره بو ده‌ما مه‌هه‌كێ وه‌رن داخستن و خودانێن وان ژی ویچ ب توندی رووبروویێ یاسای ببن.
No comments:
Post a Comment