ژیاننامه‌یا سمكویێ شكاك - پرس بادینی

إعلان فوق المشاركات

ژیاننامه‌یا سمكویێ شكاك

ژیاننامه‌یا سمكویێ شكاك



پرس بادینی

ژیاننامه‌یا سمكویێ شكاك بزانه‌:

ئاماده‌كرن: سه‌ڵاح سالار

1- ئێكه‌ ژ سه‌ركرده‌یێن دیار و بناڤوده‌نگێ كورد.
سه‌روكێ عه‌شیره‌تا شكاك بو ل ناڤچه‌یا ۆرمێ، ورمێ ژی ئیكه‌ ژ پارێزگه‌هێن روژهه‌لاتا كوردستانێ.

2- ناڤێ وی یێ ب دروستاهی ئیسماعیله‌ و كورتكریێ وی سمكویه‌، كورێ محه‌مه‌د ئاغایێ كورێ عه‌لی ئاغایێ ئیسماعیله‌، ل سالا 1875ێ ژ خێزانه‌كا دیار هاتیه‌ سه‌ر دونیایێ.

3- پشتی كوشتنا جه‌حفه‌ر ئاغا برایێ وی یێ مه‌زن ل سالا 1903ێ ئیسماعیل ئاغا بویه‌ سه‌روكێ عه‌شیره‌تا شكاك، هه‌روه‌سا پشتی سه‌رهلدانا شه‌رێ ئێكێ یێ جیهانی،و ل ده‌وروبه‌رێ سالێن 1913 و 1914ێ هێدی رولێ سمكوی دیاربوو.

4- سمكوی ل ده‌وروبه‌رێن باژێرێ ورمێ و د ناوچێ دا ده‌ست ب خه‌باتا رزگاریخوازیا گه‌لێ كورد دكر، كه‌سایه‌تیه‌كێ ئازا و زیره‌ك و دیارێ ئه‌وێ ناوچێ بوو.

5- چه‌ندید جاران هه‌ولا كوشتنا سمكوی ژ لایێ ئیرانیانڤه‌ هاته‌ دان و ب شه‌ری و پیلانان نه‌شیان سمكوی دگه‌ل بزاڤا وی بكوژن و نه‌هێلن.

6- ل وی سه‌رده‌می ئه‌رمه‌نان دڤیا ب پشته‌ڤانیا روسیا لسه‌ر ئاخا روژهه‌لاتێ كوردستانێ ناوچه‌یه‌كه‌ ئازاد و ئۆتۆنۆمی دروست بكه‌ن، هه‌روه‌سا چاڤێ وان ل ئاخا كوردستانێ ژی بوو.

7- ده‌رئه‌نجامێ وێ یه‌كێ ژی ل روژا 16ی ئازارا1918ێ چاڤێ سمكوی ب مارشه‌معوونی دكه‌ڤیت و مارشه‌معوون دڤیا سمكوی بره‌ڤینیت به‌لێ هه‌ر ل وێرێ سمكو مارشه‌معوونی دكوژیت.

8- مه‌سیحیان ژ بوی تولڤه‌كرنا مارشه‌معوونی هێرشكره‌ سه‌ر باژارێ ورمێ، و زێده‌تری 10 هه‌زار مروڤێن ئه‌وی باژێری كوشتن و جهێن وان تالانكرن.

9- سمكو ژ بوی پشته‌ڤانیكرنێ ل شوره‌شا شێخ مه‌حمودێ حه‌فید و هه‌روه‌سا ژ بوی بده‌ستڤه‌ئینانا پشته‌ڤانیێ ژ بوی شوره‌شا خو ل 8ی كانونا دووێ ل سالا 1923ێ گه‌هشته‌ باژێرێ سلێمانیێ.

10- پێگه‌هه‌كێ مه‌زنێ شوره‌شگێری و كومه‌لایه‌تی هه‌بوو، و زاڤایێ شوره‌شگێرێ مه‌زن سه‌ید ته‌هایێ نه‌هری بوو.
پێكئینانا حكومه‌تا سه‌ربه‌خویا كوردستانێ ڕاگه‌هاند و چه‌ندین شه‌ر دگه‌ل حكومه‌تا پاشای یا ئیرانێ ژی كرن.

11- ئیران ژ بوی گوتوبێژان سمكوی دگه‌ل كورێ وی داخاز دكه‌نه‌ باژێرێ "شنو" و پیلانا كوشتنا وی و كورێ وی خوسره‌وی دادرێژن، و ل روژا 18ی ته‌موزا 1930ێ ب نه‌مه‌ردانه‌ دكوژن. 

12- خورشید ئاغایێ عه‌شیره‌تا هه‌ركیان دگه‌ل سمكوی د هه‌مان پیلاندا دكوژن.
شوره‌شگێران حوسره‌وێ كورێ سمكو ب برینداری رزگار كر، به‌لێ ته‌رمێ سمكوی دكه‌ڤیته‌ د ده‌ستێ ئیرانیان دا.





No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©