سه‌رۆك كۆمارێ عێراقێ و سه‌رۆكێ هه‌ڤپه‌یمانیا نیشتیمانی كومبوون.
ل باژارێ سلێمانیێ سه‌رۆك كۆمارێ عێراقێ و سه‌رۆكێ هه‌ڤپه‌یمانیا نیشتیمانی كومبوون, و ته‌كه‌ز لسه‌ر پێشڤه‌برن و كارێ پێكڤه‌ی دناڤبه‌را ئالیێن سیاسی دا كرن.
ئیرو رۆژا چارشه‌مبیێ 29ێ ته‌موزا 2020ێ نڤیسینه‌گه‌ها سه‌رۆكێ هه‌ڤپه‌یمانیا نیشتیمانی ڕاگه‌هاند," ئارام قادر سه‌رۆكێ هه‌ڤپه‌یمانیا نیشتیمانی و دكتور به‌رهه‌م ساڵح سه‌رۆك كۆمارێ عێراقێ ل باژارێ سلێمانیێ كومبوون, د كومبوونێ دا ره‌وشا سیاسی و ئابوورییا عێراقێ و هه‌رێما كوردستانێ گوتوبێژكرن, هه‌روه‌سا به‌حسێ ژیانا وه‌لاتیان ژی هاتیه كرن".
خویا ژی كریه," سه‌رۆكێ هه‌ڤپه‌یمانیێ ته‌كه‌ز كریه, پێدڤیه هەمی ئالی هه‌ڤكار و هه‌ڤده‌نگ بن, بۆ چاره‌سه‌ركرنا ره‌وشا وه‌لاتیان, و ئه‌نجامدانا گورانكاریێن سیاسی د به‌رژه‌وه‌ندیا خه‌ڵكی دا"
هه‌ڤده‌م نڤیسینگه‌ها سه‌رۆك كۆمارێ عێراقێ به‌لاڤكریه," كو ئیرو د كومبوونه‌كا دوو قولی دا, ئارام قادر سه‌رۆكێ هه‌ڤپه‌یمانیا نیشتیمانی و دكتور به‌رهه‌م ساڵح سه‌رۆك كۆمارێ عێراقێ و ته‌كه‌ز لسه‌ر پێشڤه‌برن و كارێ پێكڤه‌ی دناڤبه‌را ئالیێن سیاسی دا كرنه, بۆ خزمه‌تا وه‌لاتیان".
No comments:
Post a Comment