سه‌ره‌دانا زه‌ریفی ژ بوی عیراقێ وێ چ بگوهه‌ره‌؟ - پرس بادینی

إعلان فوق المشاركات

سه‌ره‌دانا زه‌ریفی ژ بوی عیراقێ وێ چ بگوهه‌ره‌؟

سه‌ره‌دانا زه‌ریفی ژ بوی عیراقێ وێ چ بگوهه‌ره‌؟



پرس بادینی

دگه‌ل سه‌رهلدانا خوه‌نیشاندانێن عیراقێ به‌حس ل وێ یه‌كێ دهاته‌ كرن كو ئێدی ئه‌مریكا نه‌ڤێتن به‌غدا ببه‌ جهێ جێبه‌جێكرنا شانویێن ئیرانێ، پشتی ده‌ست ب كاربونا كازمێ چاڤدێرێن سیاسی زێده‌تر ل وێ راستیێ تێگه‌هشتن كو كوچكا سپی ب ته‌مامی دڤێت داویێ ب ئه‌زمونا ئیرانێ بینیت ل عیراقێ یان ژی ب ته‌مامی لاواز بكه‌تن، به‌لێ وه‌سا دیارنابیت كو ئیران ب وی ره‌نگی ده‌ستبه‌رداربیت.

سه‌ره‌دانا چه‌ند روژێن بوری یا محه‌مه‌د جه‌واد زه‌ریفی وه‌زیرێ ده‌رڤه‌یێ ئیرانێ، ژ بوی عیراق و هه‌رێما كوردستانێ سه‌ره‌دانه‌كا گرنگ بوو، د ده‌مه‌كێ دا كو ئیران د خرابترین ره‌وشا سیاسی و ئابووری و ئه‌منی و ته‌ندروستی دا ده‌ربازدبه‌. 

ل سالێن بووری پشتی تره‌مپی سزایه‌كێ دژوار ب سه‌ر ئیرانێ دا سه‌پاندی، عیراق ئێك ژ ده‌رازینكێن ده‌گمه‌ن بو كو ئیران تێدا به‌رهه‌مێ خوساخبكه‌تن و په‌یوه‌ندیان دگه‌ل جیهانێ بهێلیت، به‌لێ دژواركرنا سزایی ب سه‌ر ئیرانێ دا و هاتنا ڤایروسێ كۆرۆنا و رێكارێن رێگرتن ل به‌لاڤبونا وی ڤایروسی وه‌كر ئه‌و ده‌رازینكا ئیرانێ هیڤی پێ هه‌ی لاواز ببیت.

جیاواز ل وێ یه‌كێ ژی ده‌ست بكاربونا مسته‌فا كازمی وه‌كی سه‌روك وه‌زیرێن عیراقێ خاله‌كا دن بو ژ وان مه‌ترسیان كو ب سه‌ر پێگه‌هێ ئیرانێ دا ل ناوچێ دروستبوی.

ئیران د ڤه‌كیشانێ دایه‌
پشتی كوشتنا قاسم سوله‌یمانی ل عیراقێ ب ده‌ستێ ئه‌مریكا، ئیران كه‌فته‌ د ره‌وشه‌كا سیاسییا نه‌ ئاسای دا و ئه‌و كه‌سه‌ ژ ده‌ستدا كو رێكخه‌رێ پێگه‌هێ ته‌هرانێ بو د ناوچێ دا. 

پشتی ئه‌وێ روودانێ، ئیرانێ ب به‌رده‌وامی هه‌ره‌شه‌یێن تولڤه‌كرنێ ل ئه‌مریكا دكرن، به‌لێ ئه‌وا روودای تولڤه‌كرنه‌كا دژوار نه‌بو، به‌لكو هنده‌ك ژ شاره‌زایان دبێژن ئیرانێ ب وێ یه‌كێ كو چه‌ند موشه‌كه‌ك ئاراسته‌ی عیراقێ كرن چو باوه‌ری ب سیسته‌مێ به‌ره‌ڤانیكرنێ نه‌هێلان.

ئه‌وێ روودانێ كاریگه‌ری هه‌بون لسه‌ر باوه‌ری و تیروانینا ده‌ستهه‌لات و خه‌لكێ ئه‌وێ ناوچێ ژ بوی ده‌ستهه‌لاتێ و هێزا ئیرانێ، چونكه‌ به‌ریا وی ده‌می وه‌سا هاتبو وێنه‌كرن كو ئیران خودانا هێزه‌كا مه‌زنا ته‌كنه‌لوژیایا سه‌ربازی یه‌، به‌لێ ئه‌وان موشه‌كێن ئاراسته‌ی چه‌ند ناوچه‌یێن عیراقێ كرین به‌روڤاژی وێ یه‌كێ ده‌رێخستن.

پاشان دگه‌ل به‌لاڤبونا ڤایروسێ كۆرۆناێ ل ئیرانێ، عیراقێ هه‌مو سنورێ حزه‌ دگه‌ل ئه‌وی وه‌لاتی گرت و ب وێ یه‌كێ ژی په‌یوه‌ندی دناڤبه‌را ئیران و عیراقێ دا بتنێ د ئاستێ بازرگانیێ دا ما و گه‌شتیار و هه‌ولاتیان نه‌ دشیا هاتن و چونێ بكه‌ن، ئه‌وێ یه‌كێ ژی مه‌زنترین زیان ب ئابوورا ئیرانێ گه‌هاندن.

ده‌ست ب كاربونا كازمی 

پشتی كو مسته‌فا كازمی وه‌كو سه‌روك وه‌زیرێن نویێ حكومه‌تا عیراقێ ده‌ست ب كاربوی، به‌حس ل وێ یه‌كێ دهاته‌ كرن كو ناڤبری پتر نێزیكی ئه‌مریكا یه‌ نه‌وه‌ك ئیرانێ، ئه‌و یه‌كی ژی دووباره‌ دژی به‌ژه‌وه‌ندیا ئیرانێ بو ل عیراقێ. 

زەریف بۆچی هاتە عێراق؟ 

زه‌ریفی بوچی هاته‌ عیراقێ؟

چه‌ند روژێن بووری محه‌مه‌دجه‌واد زه‌ریف وه‌زیرێ ده‌رڤه‌یێ ئیرانێ ب سه‌ره‌دانه‌كا فه‌رمی گه‌هشته‌ عیراقێ و دگه‌ل چه‌ند به‌رپرسێن بلند كومبوو.

سه‌روك وه‌زیرێن عیراقێ، سه‌روك كومارێ عیراقێ، وه‌زیرێ ده‌رڤه‌یێ عیراقێ، سه‌روكێ هه‌رێما كوردستانێ، سه‌روك وه‌زیرێن هه‌رێمێ،و چه‌ندین سه‌ركرده‌یێن سیاسی و حزبێن سیاسی، ژ وان سه‌ركرده‌یێن بلندێن حكومه‌تێ و حزبان بون ل عیراق و هه‌رێمێ بو كو د ڤێ سه‌ره‌دانێدا چاڤ ب زه‌ریفی كه‌فتێن.

ل گوره‌ی ئه‌وان زانیاریێن ب ده‌ست میدیایێ كه‌فتین، زه‌ریفی ب ئارمانجا ئاسای كرنا په‌یوه‌ندیێن دناڤبه‌را ئیران و عیراقێ دا سه‌ره‌دانا به‌غدا كریه‌.

وه‌زیرێ ده‌رڤه‌یێ ئیرانێ، ڤیایه‌ ب وان كومبونا دگه‌ل به‌رپرسێن عیراقێ وان دیوارا بشكینیت كو ئه‌مریكا دڤێت دناڤبه‌را ئیران و عیراقێ دا دروست بكه‌تن.

كازمی د ناڤبه‌را ریاز و ته‌هرانێ دا

بریاربو پشتی سه‌ره‌دانا زه‌ریفی ژ بوی عیراقێ، كازمی سه‌ره‌دانا سعودیێ بكه‌تن و ل وێرێ چه‌ند كومبونه‌كێن گرنگ ئه‌نجام بده‌تن و به‌حس ل وێ یه‌كێ ژی دهاته‌ كرن، پروژه‌یه‌كێ مه‌زن هه‌یه‌ ژ بوی گرێدانا كاره‌با عیراقێ ب سعودیه‌ ڤه‌.

به‌لێ سه‌ره‌دانا كازمی ژ بزی سعودیێ هاته‌ پاشخستن ئه‌گه‌رێ وێ یه‌كێ ژی ژ بوی تێكچونا ره‌وشا ته‌ندروستیا شاهـ سه‌لمانی د زڤرینن.

دگه‌ل وێ یه‌كێ ژی پشتی نه‌هێلانا سه‌ره‌دانا سعودیه‌، كازمی بریار دا سه‌ره‌دانا خوه‌ ژ بوی ته‌هرانێ ژی پاشڤه‌ ببه‌ت، كو پێشتر بریار لسه‌ر دابوو.

ئەمڕۆ سێشەممە کازمیی دەگاتە تاران و لەوێ لەگەڵ هەریەک لە حەسەن ڕوحانی سەرۆک کۆماری ئێران و عەلی خامنەیی ڕابەری شۆڕشی ئیسلامیی و محەمەد باقر قالیباف سەرۆکی پەرلەمانی ئێران کۆببتەوە. 

ئه‌ڤرو سێ شه‌مبی دێ گه‌هیته‌ ته‌هران و ل وێرێ ژی دگه‌ل هه‌ر ئێك ژ حه‌سه‌ن روحانی سه‌روك كومارێ ئیرانێ و عه‌لی خامنه‌ئی رابه‌رێ شوره‌شا ئیسلامی و محه‌مه‌د باقر قالیباف سه‌روكێ په‌رله‌مانی كومببه‌.

پشتی وان چه‌ند گهورینێن بله‌ز ل چه‌ند روژێن بووری هاتینه‌ هه‌بونێ ، ره‌نگه‌ په‌یوه‌ندی دناڤبه‌را عیراق و ئیرانێ ژ لایه‌كێ ڤه‌ و په‌یوه‌ندی دناڤبه‌را عیراق و ئه‌مریكا ژ لایه‌كێ دن ڤه‌ گهورین به‌سه‌ر دا بهێن، ئه‌و گهورینه‌ ژی وه‌كی ده‌رئه‌نجامه‌كێ ژ بوی سه‌ره‌دانا زه‌ریفی دبه‌.





No comments:

Post a Comment

بابەتی پەیوەندی دار

إعلان اسفل المشاركات

ماڵپەڕێ پرس میدیا

پرس میدیا - Prs Media

پرس ، دامەزراوەیەکا روژنامەڤانی یا پیشەی و ئازادە دێ بیتە میمبەرەکا بلند و قودیکا دەنگ و رەنگێن جیاوازیێن نەدیتی و نەبهیستی و دخــــەما کلــــتور و فەرهەنگ و هونـــەرێ نشـــتـــیـــمانی دایە دێ بــزاڤاکــــەتن ئاشــتــــیا جڤاکــــی و پێــــکڤە ژیــــانێ ب چەســــپــینــیت پــــرس ، خـــودانـــا وێ مەبەستێ یە کو نـــفـــشـــێ نـــهـــا و یـــێ داهـــاتی ژ پــــــرس و پـــیشـــهـــاتـــێن نـــشـــتیـــمانی و یێن دەوروبەرێ خوە هـــشـــیار بکەت و ئارمانج ژێ بزمانەکێ بابەتیانە ڤێ نـــفشــــی پێ بگەهینن.

دوماهیك نوچە

Contact Form

Name

Email *

Message *

بەشێن سەرەكی

2019 - PRSMEDIA.NET / ALL RIGHT RESERVED ©