شیرەتکارەکێ سەرۆک وەزیرێ عێراقێ هەیا چەک ددەستێ ئالیان دە بت ئەنجامدانا هەڵبژارتنێن پاقژ کارەکێ بزەحمەتە.
د کڤانێ پشکداریکرنێ د بەرنامەیێ (ٲقصر الطرق) ێ تەلەفزیۆنا ( ئەلشەرقیە نیۆز) شیرەتکارەکێ سەرۆک وەزیرێ عێراقێ ڕاگەهاند، پرسا ئەنجامدانا هەڵبژارتنا بەروەخت ئێکەم خاڵا بەرنامەیێ سەرۆک وەزیرانە.
"عبدالحسین الهنداوی شیرەتکارێ سەرۆک وەزیرێ عێراقێ " دکڤانێ پشکداریکرنێ د بەرنامەیێ (ٲقصر الطرق) ێ تەلەفزیۆنا ( ئەلشەرقیە نیۆز) ڕاگەهاند، پرسا ئەنجامدانا هەڵبژارتنا بەروەخت ئێکەم خاڵا بەرنامەیێ سەرۆک وەزیرانە، گوت ژی دنها مژولی دروستکرنا تیمەکێینە بۆ سەرپەرشتیکرنا هەڵبژارتنەکا پاقژ و نەتەوەیێن یەکبووی کێم تەرخەمبوونە ژ چاڤدێریکرنا هەڵبژارتنێن عێراقێ.
خویا ژی کر، ئەنجامدانا هەڵبژارتنان بریارەکا سیاسییە، و پێدڤیە ڕاستگویی و نیازێن پاقژ بۆ ئەنجامدانا وێ پرۆسەیێ هەبن.
ئەویەکە ژی ئاشکراکر، هنەک ژ ئالیێن سیاسی کو پشتەڤانیا فرەبازنەیێ دکرن، پۆشمانبوونە، فرەبازنەیا هاتیە پێشنیازکرن نکارین جێبەجێبکەین و داخاز دکەین ل هەمی عێراقێ بۆ ٨۰ بازنەیان بهێتە کێمکرن، هەر پاشکەتنەکا یاسایا هەڵبژارتنان ژ ئالیێ جڤاتا نوونەران ڤە دبە سەدما پاش کەتنا کارێن کومسیۆنێ.
تەکەز ژی کر، هەیا چەک ددەستی ئالیێن سیاسی دا بت، ئەنجامدانا هەڵبژارتنا پاقژ کارەکێ بزەحمەتە.
No comments:
Post a Comment