پرس بادینی
ماموستایه‌كێ ئاینی ب ناڤێ به‌رهه‌م شاره‌زووری، ب ره‌نگه‌كێ نوی كچ و كۆران ل ئێك و دوو ماره دكه‌ت، ب ره‌نگه‌كێ كو هه‌ر كچه‌كا زێده‌تری 10 مسقالێن زێری داخواز بكه ئه‌و ماره‌یا وان نابڕه.
ده‌قێ نڤیسارا ماموستا به‌رهه‌م شاره‌زووری:
" ژ به‌ر خاترا خوه و پاشان گه‌نجێن باژێرێ خوه وه‌كو ماموستایه‌كێ ئاینی هه‌ر ئافره‌ته‌كا داخوازیا ماره‌بڕینا وێ ژ 10 مسقال زێر پتر بیت ئه‌ز ماره‌یا وێ نابڕم"
"بناڤێ خودایێ مه‌زن و دلوڤان"
هه‌رژه‌نده پروسا پێكئینانا خێزانێ پروشه‌كا ره‌حمێ یه
به‌لێ ب بوچونا من د ڤان روژگاران دا پروسا زه‌حمه‌تێ یه
وه‌كی یا دیار ل ده‌ف مه هه‌مویان ئه‌و داخوازیێن زێده كو دهێنه‌كرن د ڤێ پروسێ دا بویه رێگره‌كێ مه‌زن ل به‌ر سینگێ گه‌نجان، ب ره‌نگه‌كێ كو چو جاران هزر د ئه‌نجامدانا ڤێ پروسێ دا نه‌هێته كرن، ئه‌ز نه‌هاتمه ژ بوی دیاركرنا ماره‌یا ئافره‌تێ چونكه د شه‌ریعه‌تێ ئیسلامێ دا دیار نه‌كریه، به‌لكو ئه‌زێ هاتیم ژ بوی تێكشكاندنا ئه‌ڤی عورفێ ب مه‌ڤه هاتی گرێدانێ، كو د شه‌ڤا ده‌ستماچكرنێ دا مالا بو مالا زاڤای دبێژن ئه‌ڤه مه كچا خو پێشكێشی هه‌وه‌كر و كچا هه‌وه‌یه به‌لێ 30 مسقال زێر و عمه‌له لسه‌ر 20 مسقال زێرا رێك دكه‌ڤن ژ به‌ر وێ یه‌كێ بلا (ئافره‌ت لسه‌ر رێز و حورمه‌تان بهێنه ماره‌كرن نه‌كو 20 مسقالێن زێری).
لسه‌ر ڤی پروژه‌ی داخوازێ ژ ماموستایێن ئاینی دكه‌م هه‌لویسته‌كێ جدی لسه‌ر ئه‌ڤێ یه‌كێ وه‌ربگرن.
و ئه‌گه‌ر دشیانێن كه‌سه‌كی ژی دا هه‌به چه‌ند مسقالان دروست بكه ئازاده.
ماموستا به‌رهه‌م شاره‌زووری
پێش نڤێژخوینێ مزگه‌فتا شێخ سه‌عیدێ پیران ل قه‌زایا شاره‌زوور
No comments:
Post a Comment