پرس بادینی
بەرپرسێ تیما گوتەبێژێن هەڤپەیمانی ڕاگەهاند "هەڤپەیمانیا نشتیمانی دێ بەژداریێ د هەلبژارتنێن پێشوەختێن عیراقێ دا کەتن و دێ پشتەڤانیێ ل کاندیدێن خودان هێز و شیان کەتن".
دکتور فەیسەل عارەب بڵباس بەرپرسێ تیما گوتەبێژێ هەڤپەیمانیا نشتیمانی د لێدوانەکێ دا دەربارەی هەلبژارتنێن پێشوەختێن عیراقێ ڕاگەهاند "مستەفا کازمی سەروک وەزیرێن عیراقێ د کومبونا ئەڤرو یا ئەنجومەنێ نوینەرێن عیراقێ دا ڕاگەهاند، دەما هەلژارتنێن پێشوەخت وێ ژ لایێ حکومەتێ ڤە وەرە دیارکرن و ڕاگەهاندن، ئەم وەکو "هەڤپەیمانیا نشتیمانی" پشتەڤانیا ئەڤێ پێنگاڤێ دکەین و داخازێ دکەین ئەڤ هەلبژارتنە ل زوترین دەم بهێتە ئەنجامدان و پێشوازیێ ژی ل ڤێ بریارێ دکەین کو ئێک ژ بریارێن دوستێن ئەڤێ حکومەتێ یە، بتایبەتی ژی لسەر وێ یەکێ کو هەلبژارتنێن ئەڤێ جارێ لسەر بنەمایێن حزبی نابیت، بەلکو دێ لسەر بنەمایێ تاکە کەسی و فرە بازنەی بیت".
ئاماژە ب وێ یەکێ ژی کر "ئەم دخازین هەلبژارتنەکا پاقژ و بژین بیت و دەستکاری د ئەنجامدانێ دا نەهێت کرن، د وێ دەربارێ دا ئەم وەکو هەڤپەیمانی ڕادگەهینین کو ئەم دێ ب هەمی هێزا خوڤە وەکو هەڤپەیمانی بەژداری وان هەلژارتنا بین و دێ پشتەڤانیێ ل کاندیدێن خودان هێز و شیان کەین ژبوی وێ یەکێ بگەهیتە ئەنجومەنێ نوینەرێن عیراقێ ل پێناڤ بەرژەوەندیێن گەلێ مە".
No comments:
Post a Comment