پرس بادینی
ل ڤوڕه‌ی زانیاریێن پرس میدیا هێزه‌كا تایبه‌تا زێره‌ڤانێن سنوری یێن عیراقی ل سه‌ر راوێژا وه‌زاره‌تا نافخو و پێشمه‌رگه‌یێن حكومه‌تا هه‌رێما كوردستانێ ب هه‌مو پێتڤیێن سه‌ربازی ڤه هاتنه ناوچه‌یێن سنوری ل زاخو و جهگربونه, و فه‌رمانده‌یێ وان ژی راگه‌هاند, ژ لایێ فه‌رمانده‌یێ گشتی یێ وان ڤه فه‌رمانا چونا پێش ب وان هاتیه دان هه‌تا ناڤ ئاخا توركیا ژ بوی ده‌ما پێتڤی یان ژی هه‌بونا مه‌ترسییا له‌شكه‌ركێشیا سوپایێ توركیا.
پرس میدیا زانیه ئه‌و هێزا هاتی دنهادا ژماره‌یا وان 2454 سه‌ربازه و هه‌مو پێتڤیێن سه‌ربازی و چه‌كێ سڤك و گران ژی دگه‌ل خو ئینانه و پشتی نیڤروا ئه‌ڤرو هزرا لڤینێ هه‌نه به‌ره‌ڤ رووێ سوپایێ توركیا ڤه زێده‌تر بچنه پێش و ئاماده‌نه ژ بوی هه‌ر رووبرووبونه‌كێ نه.
پرس میدیا ژ چه‌ند چاڤكانیێن عیراقی وه‌رگرتیه كو ئه‌و هێزه ده‌ما نه‌چار ببیت به‌رامبه‌ر سوپایێ توریكا ژ بلی هێزا پیاده هێزا ئه‌سمانی ژی هه‌یه, وه‌كی ئه‌و دبێژن ئه‌و چ ده‌ستپێشخه‌ریا ناكه‌ن و چ ده‌ست درێژیه‌كێ ژی قه‌بول ناكه‌ن.
ده‌مه‌كه د هه‌ڵمه‌ت و و ئوپه‌راسیونێن تایبه‌ت دا سوپایێ توركیا ل سنورێ زاخو و چه‌ندێن جهێن دی هاتنه دناڤا ئاخا باشورێ كوردستانێ دا ب حه‌جه‌تا نه‌هێلانا چه‌كداریێن پارتا كرێكارێن كوردستانێ په‌كه‌كه و به‌رامبه‌ر وێ یه‌كێ ژی ژ بلی كوردستانێ و حكومه‌تا عیراقێ به‌شه‌ك ژ وه‌لاتێن ناوچێ ژی ب تایبه‌تی وه‌لاتێن عه‌ره‌بی نه‌رازیبونا خوه دیار كرنه و دبێژن پێتڤیه رێ ل توركیا بهێته گرتن.
No comments:
Post a Comment