پرس بادینی
گوڤارا فۆربسا ئه‌مه‌ریكی به‌لاڤكریه, بسه‌ده‌ما ترسا بۆردومانا بنگه‌هێن خۆه یێن ئه‌تۆمی ژ ئالیێ ئه‌مه‌ریكا و ئیسرائیلی ڤه, ئیرانێ بزاڤێن خۆه ده‌ستپێكرینه بۆ جێگركرنا سیسته‌مێ دژه مووشه‌كی ل عێراقێ و سوریایێ, هه‌یا ژ ئه‌سمانی مووشه‌كان بخەن خارێ.
گوڤارێ ئه‌شكرا ژی كریه, د ڤان داویان ده، ته‌هرانێ بزاڤێن خۆه بۆ رازیكرنا عێراقێ و سوریایێ ده‌ستپێكرنه هه‌یا سیسته‌مه‌كێ ب هێزێ ئه‌سمانی ل وان وه‌لاتان جێگربكه‌تن, چونكێ زانیاری هه‌نه د داهاتی ده، ئه‌مه‌ریكا و ئیسرائیل بنه‌گه‌هێن ئه‌تۆمیێن ئیرانێ بۆردومان بكه‌ن.
لدوف زانیاریان هه‌یا نها عێراق لسه‌ر وێ یه‌كێ رازینه‌بوویه.
گوڤارێ به‌لاڤكریه, ئه‌گه‌ر ته‌هران بكاریت لسه‌ر ئاخا عێراقێ و سوریایێ سیسته‌مێ دژه مووشه‌كان ئاڤا بكه‌ت, وی ده‌می دبنه پرێسگرێكه‌كا مه‌زن بۆ بۆردومانا ئیسرائیلێ و ئه‌مه‌ریكایێ.
مه‌دیایێن ئیرانێ ژی به‌لاڤكرینه, ئیران دگه‌ڵ سوریایێ د گفتۆگویان ده‌یه, هه‌یا بكاریت رێ ژ بۆردومانێن ئیسرائیلێ ل وی وه‌لاتی بگریت, ئه‌و ژی برێیا دانینا سیسته‌مه‌كێ بهێز ئه‌سمانی.
No comments:
Post a Comment