پرس بادینی
ئه‌نجومه‌نا وه‌زیرێن عیراقێ راگه‌هاند "دڤێت د ده‌ما شه‌ش مه‌هان ده كارێ هه‌مو ده‌رازینكێن سنورێ ناڤه‌راست و باشورێ عیراقێ بهێنه رێكخستن دگه‌ل هه‌رێما كوردستانێ ژی".
دلشاد مه‌جید روژنامه‌ڤانێ سه‌ربه‌خو ل تورا كومه‌لایه‌تیا فه‌یسبوكێ د هه‌ژمارا خویا تایبه‌تدا ده‌رباره‌ی بریارا ئه‌نجومه‌نێ وه‌زیرێن عیراقێ راگه‌هاند "د نڤێسارا جڤاتا وه‌زیرێن عیراقێ دا ئاماژه ب هه‌مو ده‌رازینكێن سنوری كریه، ب چو ره‌نگا به‌حس ل هه‌رێما كوردستانێ ناكه‌تن و ده‌رازینك جودا نه‌كرنه، ئه‌رێ ئه‌ڤه رامانا چیه؟".
ئاماژه ب وێ یه‌كێ ژی كریه "د وێ بریارێدا داخازێ ژ ژورا ئوپه‌راسیونێن هه‌ڤبه‌شێن سه‌ربازی دكه‌ت، هێزه‌كا سه‌ربازی ژ بوی سه‌پاندنا یاسایێ ل هه‌مو ده‌رازینكێن سنوری ب هه‌ڤكاریا رێڤه‌به‌رێن ده‌رازینكا ئاماده بكه‌تن، ئه‌و هێز هه‌ر زوو كارێن نه‌یاسای ل ده‌رازینكان نه‌هێلن، وه‌زاره‌تا داراییا عیراقێ ژی پێتڤیێن ته‌مام ژ بوی پشكنین و چاڤدێریێ دابین بكه‌ن، وه‌كی سونار و ب كێمی سێ كامیرێن چاڤدیریێ بهێنه دانان، كو راسته‌وخو گرێدای باره‌گایێ سه‌ره‌كیێ ده‌سته‌یا ده‌رازینكێ ڤه گرێدای بیت، هه‌روه‌سا وه‌زاره‌تا دارای د ده‌ما شه‌ش مه‌هانده ته‌مامیا رێكاران ژ بوی سه‌ركه‌فتنا ئه‌وێ پروسێ ئاماده بكه‌تن".
به‌حس ل وێ یه‌كێ ژی دكه، "نابیت جهگوركی ب فه‌رمانبه‌رێن گومركێ بهێته كرن، ژ ده‌رازینكه‌كا سنوری بو ئێكا دی بهێنه ڤه‌گوهاستن، به‌لكو دڤێت هه‌مو ڤه‌گه‌رنه دناڤ وه‌زاره‌تا دارای دا، به‌لێ ئه‌گه‌ر هه‌رێم نه‌هاته دبن بارێ ئه‌ڤێ بریارێدا، حكومه‌تا عیراقێ وێ داخازێ ژ هه‌ردوو وه‌لاتێن توركیا و ئیرانێ بكه كو ب رێكا ده‌رازینكێن هه‌رێمێ لێكگوهه‌رتنا بازرگانی دگه‌ل هه‌رێمێ نه‌كه‌تن".
No comments:
Post a Comment