پرس بادینی
سه‌روك وه‌زیرێن عێراقێ ئه‌ڤروو پێنج شه‌مبی، د ده‌ما پێشوازیكرنێ دا ل وه‌زیرێ ده‌رڤه‌یێ فه‌ره‌نسا داخوازنامه‌یه‌ك ئاراسته‌ی ئیمانوێل ماكرۆن سه‌روكێ فره‌نسا كر و تێدا خواست ناڤهاتی سه‌ره‌دانا عیراقێ بكه‌تن.
ئه‌ڤرو پێنج شه‌مبی ل گوره‌ی زانیاریێن ئاژانسا عیراقی، مسته‌فا كازمی سه‌روك وه‌زیرێن عیراقێ د دیداره‌كێ دا دگه‌ل ئیف لۆدریان وه‌زیرێ ده‌رڤه‌یێ فه‌ره‌نسا ل به‌غدا په‌یوه‌ندیێن هه‌ردوو ئالیا و پرسێن هه‌ڤبه‌ش یێن دناڤبه‌را واندا گوتوبێژكرن.
كازمی ئه‌و یه‌ك روونكر، "عیراق یا به‌رهه‌ڤه ژ بوی هه‌ڤكاریێن ناڤده‌وله‌تی دگه‌ل هه‌مو وه‌لاتێن جیهانێ، كو پشته‌ڤانیا ئاشتی و ئارامیێ دكه‌ن ژ وانا ژی وه‌لاتێ فه‌ره‌نسایه"، د هه‌مان ده‌مێ ده داخوازنامه‌یه‌ك راده‌ستی وه‌زیرێ ده‌رڤه‌یێ فه‌ره‌نسا كریه و ژبوی ئیمانوێل ماكرۆن سه‌روكێ فه‌ره‌نسا هنارتیه و تێدا داخواز كریه ناڤهاتی سه‌ره‌دانا عیراقی بكه‌تن.
وه‌زیرێ ده‌رڤه‌یێ فه‌ره‌نسا ژی راگه‌هاند، وه‌لاتێ فه‌ره‌نسا ئاماده‌یه دژی تیرورستێن داعش هه‌ڤكاریا عیراقێ بكه‌تن.
لۆدریان ئه‌و یه‌ك ژی به‌حسكر، "پاریس گه‌شبینه ب پێنگاڤێن حكومه‌تا كازمی و به‌رده‌وامه ل سه‌ر پشته‌ڤانیكرنا عیراقێ لسه‌ر وێ یه‌كێ كو دوباره ده‌ست ب ئاڤه‌دانكرنا ناوچا رزگاركری بهێته كرن، ب تایبه‌تی ژی باژێرێ میسل".
No comments:
Post a Comment